'મ્હારી છોરિયાં છોરોં સે કમ હૈં કે'.... ફિલ્મ દંગલનો આ ડાયલોગ તમે પણ ઘણી વખત સાંભળ્યો હશે. પરંતુ એક દેશી દુલ્હને તેને હકીકત કરી બતાવ્યો છે.
દુલ્હન લગ્નના વસ્ત્રો પહેરીને ઘોડી પર સવાર થઇ
ઘોડીનો માલિક ઘોડીની લગામ પકડીને ઉભો રહ્યો
આ વીડિયોને સોશિયલ મીડિયામાં યુઝર્સે ખૂબ પસંદ કર્યો
દુલ્હન ઘોડી પર સવાર થઇ ગઇ
સામાન્ય રીતે લગ્નમાં જ્યારે જાન નિકળે છે, તો વરરાજા ઘોડી પર બેસીને દુલ્હનને લેવા જાય છે. પરંતુ અહીં આ દુલ્હને કમાલ કરી બતાવ્યું છે. તે પોતે ઘોડી પર સવાર થઇ ગઇ છે. સમાજની એક અલગ તસ્વીર સામે આવતા આ વીડિયોને સોશિયલ મીડિયામાં ખૂબ પસંદ કરવામાં આવ્યો છે. વીડિયોમાં જોઇ શકાય છે કે કેવીરીતે એક યુવતી લગ્નના વસ્ત્રો, ઘરેણા પહેરી, માથા પર દુપટ્ટો ઓઢીને દુલ્હનના વેશમાં ઘોડી પર ચઢી છે. જો કે, દુલ્હન થોડી ગભરાયેલી જોવા મળી છે. એવામાં ઘોડીનો માલિક ઘોડીની લગામ પકડીને ઉભો રહ્યો છે અને દુલ્હન ઘોડી પર બેઠી છે. વીડિયોમાં દુલ્હન જાન કાઢતી જોવા મળી નથી. જાન નિકાળવા માટે તૈયાર દુલ્હન લગ્નના વસ્ત્રોમાં ઘોડી પર ચઢીને બેઠેલી છે.
હાલમાં રાયસેન શહેરમાંથી એક એવો વીડિયો સામે આવ્યો હતો. જેમાં રાયસેનના સાંચી રોડ પર રહેતા રતનલાલ માલવીયની પુત્રી સુરભિના લગ્ન ખૂબ ધૂમધામપૂર્વક સલામતપુર નિવાસી વિજય માલવીય સાથે થયા. સુરભિ પણ ઘોડા પર સવાર થઇને તેના વરરાજાને લેવા પહોંચી. બદલાયેલા સમાજની તસ્વીરને બતાવતો આ વીડિયો ખૂબ વાયરલ થયો હતો. આવી તસ્વીરો હવે સામાન્ય થઇ ગઇ છે અને પ્રતિત થઇ રહ્યું છે કે સામાજિક માળખુ હવે બદલાઈ રહ્યું છે.