ખાસ વાંચો / આ દેશના રાષ્ટ્રપતિ ફુટબોલ મેચ જોવા ગયા તો પ્રવેશ જ ન આપ્યો, કારણ સાંભળીને તમે પણ ચોંકી જશો

• બ્રાઝિલના રાષ્ટ્રપતિને સ્ટેડિયમમાં મેચ જોવા ન મળી 
• રાષ્ટ્રપતિએ વેક્સિન નહોતી લીધી જેથી પ્રવેશ ન મળ્યો 
• રાષ્ટ્રપતિને પરત મોકલતા સમગ્ર વિશ્વમાં મુદ્દો ચર્ચાનું કેન્દ્ર બન્યો 

કાયદો દરેક વ્યક્તિ માટે સમાન છે એ વાત તો તમે સાંભલી હશે. ત્યારે ગત રવિવારના રોજ બ્રાઝિલમાં પણ આવોજ મામલો સામે આવ્યો છે. જેમા અહીયાના રાષ્ટ્રપતિને પણ કાયદાનું પાલન કરવાની ફરજ પડી હતી. જે પણ લોકોએ વેક્સિન ન લીધી હોય તે લોકોને બ્રાઝિલમાં મેચ જોવા પર પ્રતિબંધ રાખવામાં આવ્યો છે. 

રાષ્ટ્રપતિએ વેક્સિન નહોતી લીધી 

આપને જણાવી દઈએ કે બ્રાઝિલનના રાષ્ટ્રપતિ જાયર બોલ્સોનારો પણ મેચ જોવા માટે સ્ટેડિયમ ગયા હતા. પરંતુ તેમણે વેક્સિન નહોતી લીધી જેના કારણે તેમને મેચ જોવા માટે પરવાનગી આપવામાં ન આવી જેના કારણે તેમને વિલા મોઢે પરત જવું પડ્યું હતું.

વેક્સિન સર્ટિફિકેટ રાષ્ટ્રપતિએ ન આપ્યું 

કોરોનાને ધ્યાનમાં રાખીને બ્રાઝીલ સરકાર દ્વારા કડક ગાઈડલાઈન પાસ કરવામાં આવી છે. જે ગાઈડલાઈન અંતર્ગત હાલ બ્રાઝિલમાં જે ફુટબોલ ટુર્નામેન્ટ ચાલી રહી છે. તે જોવા માટે પણ વેક્સિન લેવી ઘણી જરૂર છે. ત્યારે બ્રાઝિલના રાષ્ટ્રપતિ પણ જ્યારે મેચ જોવા ગયા ત્યારે તેમની પાસે વેક્સિન સર્ટિફિકેટ માગવામાં આવ્યું હતું. 

સ્થાનિક મીડિયાએ વીડિયો અપલોડ કર્યો 

સ્થાનિક મીડિયા દ્વારા રાષ્ટ્રપતિનો એક વીડિયો પણ અપલોડ કરવામાં આવ્યો છે. જેમા તેઓ એવું બોલતા નજરે પડી રહ્યા છે કે તેમને માત્ર સેંટોસ ગેમ જોવી છે પરંતુ મને એવું કહેવામાં આવ્યું કે તમારે વેક્સિન લેવી પડશે. અગાઉ તેઓ જુલાઈમાં 2020માં કોરોના સંક્રણમનો ભોગ બન્યા હતા. તેમ છતા બ્રાઝિલના રાષ્ટ્રપતિએ વેક્સિન નથી લગાવી 

સમગ્ર મુદ્દો વિશ્વમાં ચર્ચાનું કેન્દ્ર બન્યો 

ઉલ્લેખનીય છે કે સેંટોસ અને ગ્રેમિયો વચ્ચે જે મેચ હતી તે મેચ જોવા માટે તેમને રોકવામાં આવ્યા હતા. તેમણે ઘણા બધા કારમો આપ્યા હતા. તેમ છતા અધિકારીઓએ તેમને મેચ જોવા માટે અનુમતી ન આપી. જેથી હાલ આ મુદ્દો સમગ્ર વિશ્વમાં ચર્ચાનું કેન્દ્ર બન્યો છે.