OMG / પ્રેમિકાને મળવા ગયેલો પ્રેમી પકડાઇ ન જાય તે ડરથી ભાગ્યો અને પહોંચી ગયો પાકિસ્તાન પછી જે થયુ તે ચોંકાવનારું 

• પ્રેમિકાને મળવા ગયો હતો પ્રેમી
• બદનામીના ડરથી ભાગી ગયો 
• સરહદ પાર કરીને પહોંચ્યો પાકિસ્તાન

પ્રેમી બાડમેર જિલ્લાના બિજરાડ જિલ્લાનો રહેવાસી છે. 19 વર્ષનો પ્રેમી ગેમરા રામ મેઘવાલ પાડોશમાં રહેતી યુવતીને પ્રેમ કરતો હતો. 4 નવેમ્બરે તે યુવતીને મળવા તેના ઘરે ગયો હતો અને યુવતીના પરિવારના લોકોએ તેને જોઇ લીધો હતો. બાદમાં છોકરીના પરિવારના લોકોએ તેની આ હરકતની ફરિયાદ તેના માતા-પિતાને કરવાની ધમકી આપી હતી. જેથી યુવકને બદનામીનો ડર સતાવવા લાગ્યો અને તે તારબંધી કુદીને પાકિસ્તાન જતો રહ્યો. 

શોધખોળ થઇ ચાલુ
યુવકના ઘરના લોકો તેના ગાયબ થવાથી પરેશાન થઇ ગયા અને તેની શોધખોળ કરવા લાગ્યા. આસ પાસ પણ તે ન મળ્યો તેથી પોલીસ સ્ટેશન જઇને તેના ગુમ થવાની ફરિયાદ નોંધાવી દીધી હતી. પોલીસે સંભાવના જાહેર કરી કે તેમનો દિકરો પાકિસ્તાનની બોર્ડર પાર કરી દીધી હોય અને તે પાકિસ્તાન પહોંચી ગયો હોય. કારણ કે ગામ પાકિસ્તાનની સરહદ પર છે. 

પાકિસ્તાન અધિકારીઓ સાથે વાત 
પોલિસ વિભાગે બીએસએફને વાત કરીને કહ્યું કે પાકિસ્તાનના અધિકારીઓ સાથે વાત કરે, ત્યારે બીએસએફ અધિકારીએ છોકરાની વાપસી માટે પ્રયાસ કરશે તેવી વાત કરી છે પરંતુ હજુ સુધી તે સ્પષ્ટ નથી થઇ શક્યું કે તેને ક્યારે પાછો મોકલશે. બીએસએફના અધિકારીએ કહ્યું કે તેઓ પ્રક્રિયા પૂરી કરી રહ્યાં છે.