OMG / છોકરીએ લગ્ન કરવાની ના પાડી તો છોકરાએ એવું કર્યું કે લોકો ચોંકી ગયા

• બેંગ્લોરનો યુવક અને અમેરિકા રહેતી ભારતીય યુવતી મેટ્રીમોનીનાં માધ્યમથી મળ્યા
• યુવકે લગ્નની તૈયારી શરુ કરી બીજી તરફ યુવતીએ આ કારણસર લગ્નની ના પાડી દીધી
• યુવતીએ સગાઈ તોડી નાંખતા યુવકે તેના પર કોર્ટ કેસ કર્યો

મેટ્રીમોની પર પરિચયમાં આવ્યાં બાદ યુવતી અમેરિકાથી યુવકને મળવા આવી

બેંગ્લોરમાં 35 વર્ષનાં એક સોફ્ટવેર એન્જિનિયર તેજાની સગાઈ સાંપ્રતા નામની એક યુવતી સાથે થઈ હતી. બન્નેની મુલાકાત એક મેટ્રીમોની વેબસાઈટનાં માધ્યમથી થઈ હતી. એન્જિનિયર તેજાનાં જણાવ્યાનુંસાર કેટલાંય મહિનાઓ સુધી બન્ને જણાએ ઓનલાઈન વાતચીત કર્યાં પછી એકબીજા સાથે લગ્ન કરવાનું નક્કી કર્યું હતું. 13 ઓગસ્ટે સાંપ્રતા બેંગ્લોર આવી. એક હોટલમાં બન્નેની મુલાકાત થઈ હતી. ઉલ્લેખનીય છે કે સાંપ્રતા અમેરિકામાં નોંકરી કરે છે.

બન્ને એકબીજાનાં પરિવારને મળાવ્યાં અને સગાઈ કરી

તેજાનાં જણાવ્યાંનુંસાર સાંપ્રતાને મળ્યાં બાદ સાંપ્રતાની બહેન શિલાને પણ મળ્યો હતો અને લગ્નની વાત નક્કી કરી હતી. 26 ઓગસ્ટે બન્ને પરિવારની મુલાકાત થઈ અને તે પછી 9 સપ્ટેમ્બર 2019નાં રોજ તેજા અને સાંપ્રતાની સગાઈ થઈ ગઈ.

લગ્નની તારીખ નક્કી કરવામાં આવી 

તેજાનાં જણાવ્યાનુંસાર  સાંપ્રતાએ તેનાં પિતાને કહી લગ્નનું સ્થળ બદલી બેંગ્લોરની જગ્યાએ તિરુમાલા મંદિર કરવાનું કહ્યું હતું. જ્યારે કે મોટા ભાગનાં સંબંઘીઓ બેંગ્લોરમાં હતા તેમ છતાં તેનાં પિતા આ માટે તૈયાર થઈ ગયાં હતાં અને 30 જાન્યુઆરી 2020નાં રોજ લગ્નની તારીખ નક્કી કરવામાં આવી હતી.

યુવકે લગ્નની તૈયારી શરુ કરી બીજી તરફ યુવતીએ આમ કર્યું

તેજાએ જણાવ્યું હતું કે લગ્નની તારીખ નક્કી થયાં પછી સાંપ્રતા પાછી અમેરિકા જતી રહી હતી. બીજી તરફ તેજા લગ્નની તૈયારીમાં લાગ્યો હતો. તિરુમાલામાં રુમથી લઈને કેટરિંગનું પણ બુકિંગ કરી દીધું હતું. તેમજ 1 લાખનું એડવાન્સ પણ આપવામાં આવ્યું હતું. એટલું જ નહીં કપડા અને ભેંટ સોંગાદો પર પણ 4 લાખનો ખર્ચ કરી દીધો હતો.

તારું નાક લાંબું અને વિકૃત છે 

વધુમાં જણાવતાં તેજાએ કહ્યું હતું કે 1 દિવસ અચાનક સાંપ્રતાનાં પિતાએ ફોન કર્યો અને સગાઈ તોડવાની વાત કરી હતી. તેજાએ જ્યારે  સગાઈ તોડવાનું કારણ પૂછવા સાંપ્રતાને ફોન કર્યો તો સાંપ્રતાએ તેની મજાક ઉડાવતા કહ્યું કે તારું નાક લાંબું અને વિકૃત છે જેથી તારે પ્લાસ્ટિક સર્જરી કરાવવી જોઈએ.

યુવતીએ સગાઈ તોડી નાંખતા યુવકે તેના પર કોર્ટ કેસ કર્યો

તેજાનાં જણાવ્યાનુંસાર ફોન પર અપમાનિત કર્યા બાદ તેણે તેજાને બ્લોક કરી દીધો હતો. તેમજ સાંપ્રતાનાં પરિવારજનોએ પણ તેજાનાં ફોનનો જવાબ આપવાનું બંધ કરી દીધુ હતું. આ બાદ તેજાએ સાંપ્રતાનાં પરિવાર સામે છેતરપિંડીનો કેસ કર્યો છે. કોર્ટનાં હુકમ પર પોલિસે સાંપ્રતા અને તેના પરિવારની વિરુદ્ધ આઈપીસીની કલમ 417 અને 420 હેઠળ ગુનો દાખલ કરી તપાસ આદરી છે. આ ઘટનામાં સાંપ્રતાનાં પિતા અને તેની બહેનને પણ આરોપી બનાવવામાં આવ્યાં છે.

(પાત્રોનાં નામ બદેલલ છે.)