સુશાંત કેસ / બોમ્બે હાઇકોર્ટે કહ્યું: સુશાંત કેસમાં અપેક્ષા છે કે મીડિયા સંયમમાં રહેશે

• બોમ્બે હાઇકોર્ટમાં દાખલ થઈ છે પિટિશન 
• સુશાંત કેસમાં મીડિયા ટ્રાયલ પર કાર્યવાહી કરવાના સદર્ભે થઈ છે પીટિશન 
• બોમ્બે હાઇકોર્ટે કહ્યું: "અમને અપેક્ષા છે કે મીડિયા સંયમમાં રહેશે"

હાલમાં આ કેસ CBI, ED અને NCB જેવી ત્રણ ત્રણ રાષ્ટ્રીય તપાસ એજન્સીઓ હેન્ડલ કરી રહી છે, અલગ અલગ એંગલથી આ કેસની તપાસ કરવામાં આવી રહી છે, હાલમાં આ કેસમાં મુખ્ય શંકાની સોય જો કે રિયા ચક્રવર્તી અને તેના પરિવાર પર તકાયેલી છે પરંતુ મીડિયા દ્વારા કરાયેલ રિપોર્ટિંગને મીડિયા ટ્રાયલ ગણવાની અને તે બાબતે કાર્યવાહી કરવાની દાદ માંગતી અરજી બોમ્બે હાઇકોર્ટમાં દાખલ થઈ છે. 

"We urge & expect the media to exercise restraint in reporting of the investigation with respect to the death, which would not hamper investigation in any manner," says Bombay High Court while hearing plea for action against media trial in actor Sushant Singh Rajput death case.

— ANI (@ANI) September 3, 2020

શું કહ્યું બોમ્બે હાઇકોર્ટે સુનાવણીમાં? 

સમાચાર એજન્સી  ANIએ જણાવ્યું હતું કે આ પિટિશનની સુનાવણી કરતે વખતે બોમ્બે હાઇકોર્ટ દ્વારા આ કેસમાં મીડિયાના રોલને લઈને અમુક સૂચક નિવેદનો કરવામાં આવ્યા હતા. જેમાં તેમણે કહ્યું હતું કે "તેઓ અપેક્ષા રાખે છે કે મીડિયા આ કેસના તપાસ અહેવાલમાં સંયમતા રાખીને વર્તશે અને એવું કોઈ કરી નહીં કરે જેનાથી સુશાંત કેસની ચાલુ તપાસમાં કોઈ પણ  અડચણ ઊભી થાય" 

નોંધનીય છે કે છેલ્લા અમુક સમયથી મીડિયા દ્વારા આ કેસમાં કરાયેલા રિપોર્ટિંગને અમુક લોકો દ્વારા મીડિયા ટ્રાયલ કહીને સંબોધવામાં આવ્યું છે, હાલમાં આ કેસમાં જેની તપાસ થઈ રહી છે તેવી સુશાંત સિંહ રાજપૂતની ગર્લફ્રેન્ડ રિયા ચક્રવર્તી દ્વારા પણ આ શબ્દ કેસના સંદર્ભે પ્રયોજાઈ ચૂક્યો છે.