બોલિવૂડ / 'તમે બહુ મોડા છો'...કહીને બોમ્બે હાઇકોર્ટે સોનૂ સૂદની અરજી ફગાવી દીધી, હવે BMC લેશે એક્શન?

• સોનૂ સુદની અરજી હાઇકોર્ટે ફગાવી
• બીએમસી હવે લઇ શકે એક્શન 
• સોનૂ સુદની તકલીફો વધી 

સોનૂના લૉયર અમોઘ સિંહે 10 દિવસનો સમય માંગ્યો હતો. જેના પર જસ્ટિસે કહ્યું કે તમે મોડા છો. તમારી પાસે પૂરતો સમય હતો અને તક હતી, કાયદો તેની જ મદદ કરે છે જે મહેનત કરે છે. 

મહત્વનું છે કે, સોનૂ સુદની બિલ્ડીંગ શક્તિ સાગર બીએમસી દ્વારા કરવામાં આવેલા ડિમોલિશન એક્શનનો સામનો કરી રહી છે. સોનૂ અને તેની પત્ની સોનાલીએ આ મુદ્દે હાઇકોર્ટની શરણ લીધી હતી પરંતુ તે પેટિશનને પણ રદ્દ કરી દેવામાં આવી છે. 

બોલિવૂડ એક્ટર સોનૂ સુદને લઇને હાઇકોર્ટમાં કહેવામાં આવ્યું છે કે તે વારંવાર અપરાધ કરે છે. તે ગુના કરવાથી ટેવાઇ ગયો છે. BMCએ હાઇ કોર્ટમાં એફિડેવિટ સબમિટ કરવામાં આવ્યું અને તેમાં કહેવામાં આવ્યું છે કે, જુહુ સ્થિત તેની ઇમારતમાં તે ગેરકાયદેસર કામ કરાવી રહ્યો છે.

બીએમસીએ મંગળવારે દાખેલ કરાવેલ એફિડેવિટમાં કહેવામાં આવ્યું હતું કે સોનૂ સૂદે જુહૂ સ્થિત રહેણાંક બિલ્ડિીંગને હોટલમાં ફેરવવાનો ગુનો કર્યો છે અને હવે આ ગુનો છુપાવવાનો પ્રયત્ન કરી રહ્યાં છે.

બીએમસીએ પોતાની નોટિસમાં કહ્યું હતું કે, સોનુએ 6 માળની ઇમારત શક્તિ સાગરના ઢાંટામાં બદલાવ કર્યો છે અને તેને કમર્શિયલ હોટલમાં બદલી દેવામાં આવી છે. નોટિસ વિરુદ્ધ સોનુએ ઓક્ટોબરમાં હાઇકોર્ટમાં અરજી કરી હતી. બીએમસીએ નોટિસમાં કહ્યું હતું કે, અપીલ કરનાર શખ્સ વારંવાર ગુના કરવા માટે ટેવાયેલો છે. તે અનધિકૃત નિર્માણ કરીને નાણાકીય લાભ લેવા માંગે છે. હવે તેણે ફરી એકવાર ગેરકાયદેસર બાંધકામ કરવાનું શરૂ કર્યુ છે. અપીલ કરનાર શખ્સ પાસે લાયસન્સ ડિપાર્ટમેન્ટ પાસેથી કોઇ જ પરમિશન લીધી નથી. 

બીએમસીએ કહ્યું કે સોનૂ સૂદ તે ગેરકાયદેસર કમર્શિયલ હોટલ નિર્માણના બચાવનો પ્રયત્ન કરી રહ્યો છે. જેને બિલ્ડિંગ પ્લાન વિરુદ્ધ તૈયાર કરવામાં આવ્યો છે. એફિડેવિટમાં કહેવામાં આવ્યું છે કે, અપીલ કરનાર શખ્સને પ્રોપર્ટી યુઝ ચેન્જ કરવાની અનુમતી લીધી નથી.