રાજકોટની ખાનગી હોસ્પિટલ નર્સની ફરજ બજાવતી એક યુવતીનું શંકાસ્પદ હાલતમાં મોત નીપજતાં ભારે ચકચાર મચી જવા પામી છે.
ખાનગી હોસ્પિટલની નર્સનું શંકાસ્પદ મૃત્યુ
સિનર્જી હોસ્પિટલમાં ફરજ બજાવતી હતી નર્સ
હોસ્ટેલના બાથરૂમમાંથી મળી આવ્યો નર્સનો મૃતદેહ
રાજકોટની ખાનગી હોસ્પિટલની નર્સનું શંકાસ્પદ મૃત્યુ
રાજકોટની ખાનગી હોસ્પિટલ નર્સની ફરજ બજાવતી એક યુવતીનું શંકાસ્પદ હાલતમાં મોત નિપજ્યું છે. પ્રાથમિક જાણાકારી મુજબ યુવતી હોસ્ટેલમાં ન્હાવા ગયા બાદ પરત ન ફરતાં યુવતીના મિત્રોએ તેની શોધખોળ હાથ ધરી હતી. તે દરમિયાન યુવતીનો મૃતદહે હોસ્ટેલના બાથરૂમમાંથી મળી આવ્યો હતો. આ બનાવની જાણ રાજકોટ પોલીસને કરતાં પોલીસનો કાફલો તાબડતોબ હોસ્પિટલ ખાતે આવી પહોંચ્યો હતો. અને આ અંગે કાયદેસરની કાર્યવાહી હાથ ધરી હતી .
નર્સ હોસ્ટેલમાં ન્હાવા ગયા બાદ પરત ન ફરી
આ અંગે પ્રાથમિક જાણકારી મુજબ યુવતી રાજકોટ સિનર્જી હોસ્પિટલમાં નર્સની ફરજ બજાવી રહી હતી. ગત રોજ હોસ્ટેલ પહોંચ્યા બાદ ન્હાવા ગયા થોડા બાદ પરત ન ફરતાં તેના સાથી મિત્રોએ તપાસ કરી હતી. જે દરમિયાન નર્સનો મૃતદેહ હોસ્ટેલના બાથરૂમમાંથી મળી આવ્યો હતો. ઉલ્લેખનીય છે કે, મૃતક નર્સ ગીર-સોમનાથના પ્રાંચીની વતની હતી. આ ઘટના જાણ પોલીસને કરતાં પોલીસનો કાફલો તુરંત ઘટના સ્થળે પહોંચી ગયો હતો. દરમિયાન પોલીસે હોસ્ટેલમાંથી એક ઈંજેક્શન પણ મળી આવ્યું હતું. આમ સિનર્જી હોસ્પિટલમાં નર્સની ફરજ બજાવતી યુવતીનું શંકાસ્પદ મૃત્યુ થતાં અનેક સવાલો ઉઠી રહ્યાં છે.