વિસ્ફોટનો ઘટસ્ફોટ / રાજકોટના ઉપલેટામાં થયેલા બ્લાસ્ટ મામલો,જાણો આ કારણે થયો હતો મોટો ધડાકો

• ઉપલેટાના ભંગારના ડેલામાં બ્લાસ્ટ 
• બ્લાસ્ટ કેસમાં બે શખ્સોની ધરપકડ 
• આર્મીના સેલ તોડતા થયો હતો બ્લાસ્ટ 

રાજકોટના ઉપલેટામાં ચાર દિવસ પહેલા  ભંગારના ડેલામાં થયેલા બ્લાસ્ટનો ભેદ ઉકેલાયો છે.આ ઘટનામાં પોલીસે બે શખ્સોની ધરપકડ કરી છે. પ્રતિબંધિત આર્મી ફાયરિંગ રેંજ વસાહતમાંથી આ બે શખ્સો  સેલ લાવ્યા હતા અને ભંગારની સામગ્રી તોડતી વખતે બ્લાસ્ટ થયો હતો.જેમાં પિતા-પુત્રના મોત નીપજ્યા હતા.

પ્રતિબંધિત આર્મી ફાયરિંગ રેન્જ વસાહતમાંથી  સેલ
ઉપલેટાના કટલેરી બજારમાં આવેલા ભંગારના ડેલામાં ગત સપ્તાહે બ્લાસ્ટ થયો હતો, તત્કાલ એવું અનુમાન કરાયું હતું કે,ફ્રીજનું કમ્પ્રેસર ફાટતા બ્લાસ્ટ થયો છે. આ દુર્ઘટનામાં બે વ્યક્તિના મોત નીપજ્યા હતા. પોલીસે,આ વિસ્ફોટની તપાસ કરતા તૌફીક ડોસાણી અને મોહના જાદવ નામના બે ફેરિયાની ધરપકડ કરી છે. તે બંનેની પૂછ પરછમાં કબુલ કર્યું હતું કે, દ્વારકાના કુરંગા પાસેથી  પ્રતિબંધિત આર્મી ફાયરિંગ રેન્જ વસાહતમાંથી  સેલ લાવ્યા હતા અને ભંગારમાં આવેલી સામગ્રી તોડતી વખતે બ્લાસ્ટ થયો  હતો. ઉલ્લેખનીય છે કે,આ સેલ રોકેટ આકારના હતા જેને તોડતી  વખતે બ્લાસ્ટ થયો હતો 

ચાર દિવસ પહેલા શી રીતે ઘટી દુર્ઘટના 

ઉપલેટાના જુના કટલરી બજાર પાસે આજે બ્લાસ્ટની ઘટનામાં બે લોકોના કમકમાટી ભર્યો મોત નિપજ્યા જેમાં ભંગારના ગોડાઉનમાં બ્લાસ્ટથ થતા અફરાતફરીનો માહોલ સર્જાયો હતો, ઘટનાની જાણ થતા જ ફાયર બ્રિગેડ તેમજ પોલીસ કાફલો પણ ઘટના સ્થળે દોડી આવ્યો હતો જો કે સમગ્ર મામલે તપાસ કરાતા બ્લાસ્ટ જુના ફ્રીઝનું કોમ્પ્રેસર ફાટવાથી થયો હોવાનું સામે આવ્યું હતું, આ ઘટનામાં બે લોકોના મોત થતા પોલીસે આગળની કાર્યવાહી હાથ ધરી હતી, પોલીસે મૃતદેહોને પીએમ અર્થે ખસેડીને આકસ્મિક મોત થયા હોવાનું નોંધી આગળની કાર્યવાહી હાથ ધરી હતી. 
 બ્લાસ્ટ થતા બે લોકોના મોત થતા પરિવારમાં મોતનો માતમ છવાઈ ગયો હતો . બ્લાસ્ટની ઘટનાને પગલે આપસાપના વિસ્તારમાં પણ ભયનો માહોલ છવાઈ ગયો હતો, ઘટના બનતા સ્થાનિકો અને આસપાસના લોકો ઘટના સ્થળે દોડી આવ્યા હતા તો પોલીસે ભીડને કાબૂ કરી કાર્યવાહી હાથ ધરી હતી.