ચૂંટણી / મહાગઠબંધનમાંથી 2 દિવસ પહેલાં આવેલી પાર્ટી પર ભાજપ ઓવારી ગયું, પોતાની 11 બેઠકો ચૂંટણી લડવા આપી

• બિહારમાં NDA માં નવો પક્ષ જોડાયો છે 
• મુકેશ સાહનીની વિકાસ ઇન્સાન પાર્ટીએ NDA જોઈન કર્યું 
• આ પહેલા મહાગઠબંધનમાં સામેલ હતા મુકેશ સાહની 

બિહાર વિધાનસભાની ચૂંટણી માટે NDA દ્વારા સીટ શેરિંગની જાહેરાત કરવામાં આવી છે. બુધવારે ભારતીય જનતા પાર્ટી એ મુકેશ સાહનીના વિકાસ ઇન્સાન પાર્ટી ( VIP ) સાથે જોડાણ અંગે માહિતી આપી હતી. ભાજપે જાહેરાત કરી હતી કે VIP ને તેના ક્વોટામાંથી 11 બેઠકો મળશે, તેમજ ભવિષ્યમાં મુકેશ સાહનીને પણ વિધાન પરિષદની બેઠક આપવામાં આવશે.

भाजपा ने अपने कोटे से @VIPPartyIndia को 11 विधानसभा की सीटें दी हैं एवं भविष्य में एक विधानपरिषद की भी सीट देंगे : डॉ @sanjayjaiswalMP pic.twitter.com/aTuCdDJYQp

— BJP Bihar (@BJP4Bihar) October 7, 2020

ફડણવીસે ચિરાગ પાસવાન પર આ જવાબ આપ્યો

બુધવારે પત્રકાર પરિષદને સંબોધતા ભાજપ ના પ્રદેશ અધ્યક્ષ સંજય જયસ્વાલે કહ્યું કે ભાજપ અતિપછાત વર્ગ માટે કામ કરી રહ્યો છે, મુકેશ સાહની ભૂતકાળમાં પીએમ મોદી ના સમર્થનમાં કામ કરી ચૂક્યા છે. બિહારના ડેપ્યુટી સીએમ સુશીલ મો દીએ કહ્યું કે મહાગઠબંધન માં હવે માત્ર અમુક પાર્ટીઓ જ બાકી બચી છે, બાકી બધા હવે મહાગઠબંધન છોડી રહ્યા છે. 

भाजपा ने अपने कोटे से विकाशसील इंसान पार्टी को 11 विधानसभा की सीटें दी हैं एवं भविष्य में एक विधानपरिषद की भी सीट देंगे: संजय जायसवाल, BJP , पटना #BiharElections pic.twitter.com/ru26Iv6qR9

— ANI_HindiNews (@AHindinews) October 7, 2020

પ્રેસ કોન્ફરન્સમાં જ્યારે બિહાર પ્રભારી દેવેન્દ્ર ફડણવીસ ને ચિરાગ પાસવાન વિશે પૂછવામાં આવ્યું ત્યારે તેમણે કહ્યું કે જે NDA માં છે તે અમારી સાથે છે, જે બહાર છે તે અમારો ભાગ નથી. જો કોઈ આવા ગઠબંધનમાંથીછોડી ને જાય છે, તો પછી તેને ખાતરી આપવાનો પ્રયાસ કરવામાં આવે છે કે તમે ભૂલ કરી રહ્યા છો

. 

મુકેશ સાહનીએ મહાગઠબંધન આક્ષેપો કર્યા હતા 

VIP ચીફ મુકેશ સાહની એ અહીં કહ્યું હતું કે તેઓ શરૂઆતથી જ પીએમ નરેન્દ્ર મોદીના વિકાસ એજન્ડા પર કામ કરી રહ્યા છે. અમે પ્રથમ મહાગઠબંધનની સાથે ગયા, પરંતુ અમને કોઈ અનુભવ નહોતો, ત્યાં ગઠબંધનનું કોઈ સ્થાન નથી. VIP ચીફ મુકેશ સાહનીએ કહ્યું કે મહાગઠબંધન એ અમને દગો આપ્યો, બેઠકો અંગે અમને સતત કન્ફ્યુઝ્ડ રાખ્યા. 

નોંધનીય છે કે જ્યારે મહાગઠબંધન તેની સીટ શેરીંગની ઘોષણા કરી રહ્યું હતું ત્યારે મુકેશ સાહની એ પ્રેસ કોન્ફરન્સમાં ધમાલ મચાવી હતી અને મહાગઠબંધન છોડવાની જાહેરાત કરી હતી. તેમણે બેઠકોના મુદ્દે છેતરપિંડીનો આરોપ લગાવ્યો હતો.

બિહારમાં યોજાવાનું છે મતદાન 

નોંધપાત્ર વાત એ છે કે બિહાર માં આ મહિને પહેલા તબક્કા માટે મતદાન થવાનું છે. પ્રથમ તબક્કા માટે મતદાન 28 ઓક્ટોબર, બીજો તબક્કો 3 નવેમ્બર અને ત્રીજો તબક્કો 7 નવેમ્બરના રોજ યોજાનાર છે. જ્યારે પરિણામ 10 નવેમ્બરના રોજ જાહેર કરવામાં આવશે.

આપને જણાવી દઈએ કે JDU ને NDAમાં 122, ભાજપ ને 121 બેઠકો મળી છે. તેમાંથી JDU એ HAM પાર્ટીને પોતાના ખાતા સાથે 7 બેઠકો આપી છે, જ્યારે હવે ભાજપે VIP ને 11 બેઠકો આપી છે.