હાલોલ તાલુકા પંચાયત ખાતે TDOની ઓફિસમાં BJPના પ્રમુખે એક અરજદાર સાથે ધમકી ભર્યુ વર્તન કરી લાફો માર્યો હોવાનો ઓડિયો વાયરલ થતાં રાજકીય માહોલ ગરમાયો છે.
હાલોલ તાલુકા ભાજપ પ્રમુખ વિવાદમાં
અરજદારને લાફો ઝીંકી દેતા વિવાદ
અરજદારે કરી પોલીસમાં ફરિયાદ
હાલોલ તાલુકા ભાજપ પ્રમુખ આવ્યા વિવાદમાં
હાલોલ તાલુકા પંચાયત ખાતે ટીડીઓની ઓફિસમાં તાલુકા ભાજપ પ્રમુખે એક અરજદાર સાથે ધમકી ભર્યું વર્તન કરી લાફો માર્યો હોવાનો એક ઓડિયો સોશિયલ મીડિયામાં વાયરલ થતાં હાલોલમાં રાજકીય માહોલ ગરમાયો છે. આ મામલે અરજદારે પોલીસ મથકમાં ફરિયાદ નોધાવી હોવાનું જાણવા મળ્યું છે.
હાલોલ તાલુકાના કાંકરાડુંગરી ગામના રહેવાસી એક અરજદારે હાલોલ તાલુકા પંચાયતમાં પોતે કરેલી એક RTIનો જવાબ લેવા પહોંચ્યો હતો. તે દરમિયાન હાલોલ તાલુકા પંચાયતના પ્રમુખ પ્રવિણ પરમાર અને અરજદાર સામે અરજી મામલે બોલાચાલી થઈ હતી. જે બાદ તાલુકા પ્રમુખે અરજદારને તાલુકા વિકાસ અધિકારીની હાજરીમાં લાફા ઝીંકીને માર માર્યો હતો. જેને લઈને ભારે વિવાદ સર્જાયો હતો.
TDO કચેરીમાં જ અરજદારને લાફો લગાવી દેતા વિવાદ
ઉલ્લેખનીય છે કે, તાલુકા પંચાયતમાં RTIનો જવાબ લેવા પહોંચેલા અરજદાર સામે મારપીટ ભારે હોબાળો મચી જવા પામ્યો હતો. બીજી બાજુ તાલુક પ્રમુખ પ્રવિણ પરમારની ઉદ્ધતાઈ ભર્યું વલણના પગલે અરજદારે હાલોલ ટાઉન પોલીસ સ્ટેશનમાં લેખિત ફરિયાદ નોધાવી હતી. જેમાં અરજદારે પોલીસ સમક્ષ ઓડિયો ક્લીપના પુરાવા આપીને પોલીસ ફરિયાદ નોધાવી હતી. મહત્વનું છે કે, ભાજપ પ્રમુખ અને અરજદાર કાંકરાડુંગરી ગામના રહેવાસી છે
Vtvના સળગતાં સવાલો
- ભાજપ તાલુકા પ્રમુખ પાસે કઇ સત્તા?
- કઇ સત્તાના જોરે તાલુકા પંચાયતમાં કરી મારામારી?
- તાલુકા પ્રમુખને અરજદારને મારવા માટે સત્તા કોણે આપી?
- શું તાલુકા પ્રમુખ પોતાને પંચાયત પ્રમુખ સમજે છે?
- અરજદાર દ્વારા માંગવામાં આવેલી વિગતોથી તેમન શું તકલીફ થઇ?
- સત્તા સામે TDO કેમ પડ્યા ઢીલા?
- TDOએ જાતે પોલીસ ફરિયાદ કેમ ન કરી?