રાજનીતિ / કોંગ્રેસનો ગઢ ગણાતી આ બેઠક તોડવા ભાજપે કમર કસી, પૂર્વ MLAને સાથે લઈ CR પાટીલે બનાવ્યો એક્શન પ્લાન

• કોંગ્રેસનો ગઢ ગણાતી બેઠકો પર ભાજપની નજર 
• બનાસકાંઠાની વડગામ બેઠક પર ભાજપ સક્રિયા 
• પ્રદેશ પ્રમુખ સી. આર. પાટીલ વડગામની મુલાકાતે

કોંગ્રેસનો ગઢ ગણાતી બેઠકો પર ભાજપની નજર

ગુજરાતમાં 2022 વિધાનસભાની ચૂંટણીના બ્યુગલો વાગી ચુક્યા છે. એક તરફ તમામ રાજકીય પાર્ટીઓ ચૂંટણી જીતવા માટે એડીચોટીનું જોર કરી રહી છે. તો વળી બીજી તરફ વિધાનસભાની ચૂંટણી પહેલા પક્ષ પલટાની મોસમ શરૂ થઈ ગઈ છે. આ બધાની વચ્ચે ભાજપે આ વખતે વિધાનસભાની ચૂંટણી અંગે નવી રણનીતિ પર કામ કરી રહ્યું છે. આ વખતે ભાજપની નજર કોંગ્રેસની ગઢ ગણાતી બેઠકો પર છે.  

પાલનપુરથી વડગામ સુધી રેલીનું કરાયું આયોજન

જેની વચ્ચે આજે વડગામ ખાતે ડો.બાબા સાહેબ આંબેડકર જન્મ જયંતીની સાથે સાથે ભારતીય જનતા પાર્ટીના પ્રદેશ અધ્યક્ષ સી.આર.પાટીલ પાલનપુર થી રેલીમાં જોડાઈ ને વડગામ તાલુકાના લિબોઇ નજીક આવેલ ગૌશાળા ખાતે સામાજિક સમરસતા સંમેલન હાજરી આપશે. આમ કોંગ્રેસના ગઢ સમાન ગણાતી વડગામ બેઠક પર ભાજપ કબ્જો કરવા તેયારીઓ કરી રહી છે. આ પહેલા વડગામના પૂર્વ ધારાસભ્ય મણીલાલ વાઘેલાએ ભાજપમાં જોડાવાની જાહેરાત કરી છે.

વડગામ બેઠક કોંગ્રેસનો ગઢ માનવામાંઆવે છે

ઉલ્લેખનીય છે કે, વડગામ બેઠક કોંગ્રેસનો ગઢ માનવામાં આવે છે. તેમજ વર્ષ 2017માં  વડગામથી કોંગ્રેસના સમર્થનથી જીગ્નેશ મેવાણી અપક્ષમાં જીત્યાં હતાં. ત્યારે હવે જોવું એ રહ્યું કે, સી.આર.પાટીલની વડગામ મુલાકાત ભાજપ માટે કેટલી ફળદાયી રહે છે.