મહામારી / કોરોનાની ચોથી લહેરનો 'જન્મદાતા' આવ્યો ? ભારતમાં નવા વેરિયન્ટ XEને લઈને નિષ્ણાંતની ચેતવણી, સૌને સલાહ

• બ્રિટનમાં આવ્યો કોરોનાનો નવો વેરિયન્ટ  XE
• બધા વેરિયન્ટમાં સૌથી વધારે છે ચેપી
• ભારતમાં નવા વેરિયન્ટની અસર નહીંવત
• પણ ખૂબ કાળજી રાખવાની વૈજ્ઞાનિકની સલાહ

ટાટા ઈન્સ્ટીટ્યુટ ફોર જેનેટિક્સ એન્ડ સોસાયટીના ડિરેક્ટર રાકેશ મિશ્રાનું કહેવું છે કે કોરોનાનો નવો સબ વેરિયન્ટ XE પહેલી વાર જાન્યુઆરીમાં સામે આવ્યો હતો. પરંતુ મારુ માનવું છે કે આપણે તેને માટે પેનિક થવાની જરુર નથી. અત્યાર સુધી દુનિયાભરમાં તેના ફક્ત 600 કેસ સામે આવ્યાં છે પરંતુ આપણે તેના પર બાજ નજર રાખવી પડશે. 

New COVID mutant 'XE': No need to push panic button, but keep close watch, says TIGS Director

Read @ANI Story | https://t.co/jvObcD0Wru#COVID19 #COVIDmutantXE #coronavirus #newcovidvariantXE pic.twitter.com/y42ylvefQH

— ANI Digital (@ani_digital) April 2, 2022

વાયરસના ફેલાવાને રોકવા તમામ ઉપાય કરવા પડશે-રાકેશ મિશ્રા 

રાકેશ મિશ્રાએ વધુમાં કહ્યું કે સબ વેરિયન્ટ XE કોરોનાની નવી લહેર પેદા કરી શકે છે તેવું દર્શાવવાનો કોઈ સંકેત નથી. તેમણે ભારપૂર્વક કહ્યું કે વાયરસના ફેલાવાને રોકવા આપણે સુરક્ષાના તમામ ઉપાય કરવા પડશે. તેમણે કહ્યું કે કમનસીબે સમાજનો એક નિશ્ચિત વર્ગ એવી જાહેરાત કરવા તલપાપડ થયો છે કે મહામારી ખતમ થઈ છે. પરંતુ આવું નથી લોકોએ જરુર પડે માસ્ક પહેરવું જોઈએ તથા વેક્સિન લેવી જોઈએ સાથે સાથે હજુ પણ ભીડભાડવાળા વિસ્તારમાં જવાનું ટાળવું જોઈએ. 

નવો મ્યુટેંટ વેરિઅન્ટ XE સામે આવ્યો 
કોરોના વાયરસનો એક નવો મ્યુટેંટ વેરિઅન્ટ XE ઓમિક્રોનના સબવેરિયન્ટ BA.2 કરતાં લગભગ 10 ગણો વધારે સંક્રમિત હોઈ શકે છે. વર્લ્ડ હેલ્થ ઓર્ગેનાઈઝેશન (WHO) એ આ અંગે ચિંતા પણ વ્યક્ત કરી છે. XE એ Omicron ના બે સબ લીનેજ BA.1 અને BA.2 નો રિકોમ્બિનેંટ સ્ટ્રેન છે. WHO એ તેના તાજેતરના અહેવાલમાં જણાવ્યું છે કે, જ્યાં સુધી તેના ટ્રાન્સમિશન રેટ અને બીમારીના વ્યવહારમાં નોંધપાત્ર ફેરફાર જોવા નથી જોવા મળતો ત્યાં સુધી તેને ઓમિક્રોન વેરિઅન્ટ સાથે જોડીને જોવામાં આવશે.

નવા XE વેરિઅન્ટનાં કેસ ફ્રાન્સ, ડેનમાર્ક અને બેલ્જિયમમાં જોવા મળ્યાં

WHO એ રિપોર્ટમાં કહ્યું કે, તેઓ XE જેવાં રિકોમ્બિનેંટ વેરિઅન્ટના જોખમ પર દેખરેખ રાખવાનું ચાલુ રાખશે અને તેની સાથે જોડાયેલા પુરાવાઓ સામે આવતાં જ તમને અપડેટ કરશે. XE સિવાય WHO એક અન્ય રિકોમ્બિનેંટ વેરિઅન્ટ XD પર પણ નજર રાખી રહ્યું છે કે જે ડેલ્ટા અને ઓમિક્રોનનું હાઇબ્રિડ છે. તેના મોટા ભાગના કેસ ફ્રાન્સ, ડેનમાર્ક અને બેલ્જિયમમાં જોવા મળ્યાં છે.WHOએ કહ્યું કે, અત્યાર સુધી સામે આવેલા નવા પુરાવાઓ એ XE વધારે સંક્રમક છે અથવા તો તેનાથી વધારે ઘાતક પરિણામ સામે આવ્યાંની પુષ્ટિ નથી કરતા. આથી અત્યારે તેના વિશે ચિંતા કરવાની કોઇ જ જરૂર નથી.