અમદાવાદ / બાઈક ચાલકે ટ્રાફિક કંટ્રોલ કરી રહેલાં મહિલા TRB સાથે એવું વર્તન કર્યું કે, બે દિવસથી પોલીસ યુવાનને શોધે છે

જ્યારથી ટ્રાફિક નિયમોના નવા કાયદા અમલમાં આવ્યા છે. ત્યારથી વાહનચાલકો અને ટ્રાફિક પોલીસ સાથે ઘર્ષણ થવાના અનેક કિસ્સા આવતાં જ હોય છે. અમદાવાદના વસ્ત્રાપુરનાં NFD સર્કલ પાસે ટ્રાફિક જામ થતાં એક મહિલા ટીઆરબી ટ્રાફિક ક્લિયર કરાવવામાં હતા તે સમયે બાઈક ચાલકે મહિલા ટીઆરબીને કહ્યું કે, ટ્રાફિક જામ છે. અહીં કેમ ઉભા છો, શું કરો છો? અમે તમને પગાર આપીએ છીએ તેમજ બી ભસ્ત ગાળો બોલીને વિડીયો શૂટિંગ ઉતારીને ધમકી અપાઇને ફરાર થઇ ગયો હતો.

એ ડિવિઝન ટ્રાફિક પોલીસ સ્ટેશનમાં ટીઆરબી અલ્પાબહેન પરમાર ફરજ બજાવે છે. ગત 18મીએ તેઓ એનએફડી સર્કલ પાસે ફરજ પર હતા. ત્યારે એક કારચાલક ત્યાં ઉભો હતો અને પોલીસ તથા ટીઆરબી ટ્રાફિક ક્લીયર અને નિયમન કરાવતા હતા. ત્યારે આ કારચાલકે પાછળ ઉભેલા બાઇક ચાલકને જગ્યા ન આપતા તે વારંવાર હોર્ન મારતો હતો. 

લોકોને હેરાનગતિ થાય એ રીતે હોર્ન પર હોર્ન મારતા કારચાલકે તેને જગ્યા આપી હતી. બાઇકચાલકે મોઢે રૂમાલ અને ચશ્મા પહેરીને ટીઆરબી જવાન અલ્પાબહેન પાસે આવ્યો હતો. તેણે કહ્યું હતું  કે, અહીં ટ્રાફિક જામ છે, કેમ ઉભા છો, ઉભા ઉભા શું કરો છો, અમે તમને પગાર આપીએ છીએ. બી ભસ્ત શબ્દો જાહેરમાં બોલતા જ અલ્પાબહેને તેની સાથે વાતચીત કરી પોતે નિયમન કરી જ રહ્યા છે તેવું કહેતા તે બાઇક લઇને ભાગી ગયો હતો.

મહિલા ટીઆરબી જવાને બાઇકનો નંબર નોંધી લઇ બાદમાં નોકરી પૂર્ણ થયે અધિકારીઓને આ ઘટનાની જાણ કરતા એ ડિવિઝન ટ્રાફિક પોલીસે આ બાઇક ચાલક સામે ગુનો નોંધી બાઇક ચાલકની શોધખોળ હાથ ધરી છે.