પ્રચંડ જીત / ગુજરાતની આ મહિલા નેતાની ઇતિહાસની સૌથી મોટી જીત, કાર્યકરોએ આરતી ઉતારી કર્યું સન્માન

• નર્મદાની નાંદોદ બેઠક પર ભાજપના ઉમેદવાર ડૉ. દર્શના દેશમુખનો વિજય 
• અત્યાર સુધીના ઇતિહાસમાં 28 હજારની સૌથી મોટી લીડથી વિજેતા બન્યા 
• માતા મતગણતરી કેન્દ્ર પર પૂજાની થાળી લઈ પહોંચ્યા, મહિલા આગેવાનોએ દર્શનાબેનને ઉચકી લીધા 

નર્મદા જિલ્લાની નાંદોદ બેઠક પર ભાજપના ઉમેદવાર ડૉ. દર્શના દેશમુખે 28 હજાર 244 મતોથી જીત હાંસલ કરી છે. અહી સૌથી મોટી વાત તો એ છે કે, મહિલા ઉમેદવારની જીત ઇતિહાસની સૌથી મોટી જીત મનાઈ રહી છે. કારણકે તેઓ અત્યાર સુધીના ઇતિહાસમાં 28 હજારની સૌથી મોટી લીડથી વિજેતા બન્યા છે. જેને લઈ કાર્યકરો દ્વારા આરતી ઉતારી તેમનું સન્માન કરાયું હતું. 

ગુજરાત વિધાનસભાની ચૂંટણીમાં નર્મદાની નાંદોદ વિધાનસભા બેઠક પર ભગવો લહેરાયો છે. નર્મદા જિલ્લાની નાંદોદ બેઠક પર ભાજપના ઉમેદવાર ડૉ. દર્શના દેશમુખે 28 હજાર 244 મતોથી જીત હાંસલ કરી છે. નાંદોદ બેઠક પર ભાજપે ડૉ. દર્શના દેશમુખ પર વિશ્વાસ મૂકી તેમને ટિકિટ આપી હતી. જોકે આજે મતગણતરી દરમ્યાન અત્યાર સુધીના ઇતિહાસમાં 28 હજારની સૌથી મોટી લીડથી ભાજપના દર્શનાબેન દેશમુખ વિજેતા થયા છે. આ તરફ દર્શનાબેન દેશમુખની જીતની વાત સાંભળી તેમની માતા મતગણતરી કેન્દ્ર પર પૂજાની થાળી લઈ પહોંચ્યા હતા. આ દરમ્યાન પાણીનો લોટો ઓવારી જાહેરમાં આરતી ઉતારી હતી અને મહિલા આગેવાનોએ દર્શનાબેનને ઉચકી લીધા હતા. 

નર્મદા જિલ્લામાં કુલ 4 લાખ 57 હજાર 880 મતદાર નોંધાયેલા છે. જેમાંથી 2022ના ચૂંટણી જંગમાં 3 લાખ 59 હજાર 66 મતદારોએ પોતાના મતાધિકારનો ઉપયોગ કર્યો હતો. જિલ્લાની બંને બેઠકો પર સરેરાશ 78.42 ટકા મતદાન નોંધાયું હતું. 2017માં આ ટકાવારી 80.67 ટકા હતી. જેની સરખામણીએ આ વખતે 2.25 ટકા મતદાનમાં ઘટાડો થયો છે. બેઠક વાઈઝ થયેલા 2017 અને 2022ના મતદાનના આંકડા નીચે મુજબ છે.