ગુજરાત વિધાનસભાની ચૂંટણીને લઈને અત્યારથી જ રાજકીય પક્ષોએ તૈયારીઓ શરૂ કરી છે ત્યારે ચૂંટણીને લઈને મહત્વના સમાચાર સામે આવ્યા છે.
ગુજરાતમાં વહેલી ચૂંટણી આવે તેવી સંભાવના
વહેલી ચૂંટણી માટે ભાજપે શરૂ કરી તૈયારીઓ
વહેલી ચૂંટણી થાય તો ભાજપને થઈ શકે છે ફાયદો
ભારતમાં ચૂંટણીઓને લઈને 2022 ઘણું મહત્વનું વર્ષ રહેવાનું છે. 2022માં ગુજરાત અને ઉત્તરપ્રદેશ સહિત ઘણા રાજ્યોમાં ચૂંટણીઓ આવી રહી છે. 2024માં લોકસભા ચુટણીને લઈને 2022ની ચૂંટણીઓ ઘણી મહત્વની છે. ગુજરાતની સાથે સાથે માર્ચમાં પણ ચૂંટણી થઈ શકે છે. જોકે આ વખતે તો મુખ્યમંત્રીના ચહેરા વગર ભાજપ ચૂંટણી લડવાના મૂડમાં છે.
ભાજપે હાથ ધરી તૈયારીઓ
મળતી વિગતો પ્રમાણે, યુપી, પંજાબની ચૂંટણી સાથે ગુજરાતમાં પણ વિધાનસભાની ચૂંટણી યોજાઈ શકે છે. કારણ કે, વર્તમાન સરકારનો કાર્યકાળ ડિસેમ્બરમાં પૂર્ણ થઈ રહ્યો છે ત્યારે ગુજરાતમાં ચૂંટણી 6 મહિના વહેલી આવે તેવી સંભાવના વર્તાઈ રહી છે. તો સૂત્રો દ્વારા મળેલી જાણકારી પ્રમાણે, ભાજપ દ્વારા અત્યારથી જ તૈયારીઓ કરી છે. તો ભાજપે બૂથ સર્વે, સ્થાનિક સર્વેની તજવીજ હાથ ધરી છે. જેમાં ભાજપ દ્વારા A, B, C, D કેટેગરીમાં સીટ પ્રમાણે સર્વે શરૂ કર્યો છે. તો OBC, SC-ST સમુદાયની બેઠકો કરવા પણ આદેશ આપ્યા છે.
ભાજપમાં અંગત વિખવાદ
ગુજરાતમાં આ વખતે પ્રદેશ ભાજપની કમાન સી.આર.પાટીલના હાથમાં છે. પાટિલનું પ્રમુખ મોડલ જો ગુજરાતમાં સફળ નથી થયું જેના કારણે કાર્યકર્તાઓને જવાબદારી સોંપવામાં આવી છે. તેનું પરિણામ એ આવ્યું કે તેમના કામકાજમાં બેદરકારી જોવા મળી હતી. હવે પાર્ટીને લાગી રહ્યું છે કે અંગત વિખવાદને કારણે ચૂંટણી પ્રચાર પર અસર પડી શકે છે.
2002માં સમય પહેલા ચૂંટણી થઈ હતી
આપને જણાવી દઈએ કે અગાઉ 2002માં ગોધરા કાંડ બાદ વિધાનસભા ભંગ કરવામાં આવી હતી. 2002માં સમયથી 8 મહિના પહેલા ચૂંટણી લડવામાં આવી હતી. 2002માં ગોધરાકાંડ વખતે ગુજરાતમાં કાયદો વ્યવસ્થાને લઈને ઘણા સવાલો ઉઠ્યા હતા. પરંતુ તે સમયે નરેન્દ્ર મોદીની લોકપ્રીયતાના કારણે ભાજપને ઘણો ફાયદો થયો હતો.