પર્દાફાશ / દેશના સૌથી મોટા ડ્રગ્સ કાવતરાનો થયો પર્દાફાશ, કચ્છના મુન્દ્રા પોર્ટથી ઝડપાયેલા હેરોઈનની આંતરરાષ્ટ્રીય કિંમત 9 હજાર કરોડ રૂપિયા

• દેશના સૌથી મોટા ડ્રગ્સ કાવતરાનો થયો પર્દાફાશ
• બીજુ કંન્ટેનરમાં 2988.22 કિલોનું હેરોઈન આવ્યું
• DRI અને NCBની ટીમોએ વધુ તપાસ હાથ ધરી

મુન્દ્રામાથી ઝડપાયેલા હેરોઈન ડ્રગ્સ કેસમાં બીજુ કંન્ટેનર ખોલતા હેરોઈનનો જથ્થો વધીને 2988.22 કિલોની પાર થઈ ગયો છે. મુન્દ્રા અદાણા બંદરેથી આયાત કરવામાં આવેલા બે કંન્ટેનર અટકાવી ગાંધાધામ ડીઆરઆઈએ તપાસ કરતા કુલ 2988.22 કિલોગ્રામ હેરોઈનનો જથ્થો મળી આવ્યા છે.

દેશના સૌથી મોટા ડ્રગ્સ કાવતરાનો થયો પર્દાફાશ

આ હેરોઈનની આંતરાષ્ટ્રીય માર્કેટમાં કિંમત 9 હજાર કરોડ હોવાનો DRI એ દાવો કર્યો છે. હાલ તો આ ડ્રગ્સનો જથ્થો કંડલા કસ્ટમના સ્ટ્રોંગરૂમમાં જમાં કરવાની કાર્યવાહી હાથ ધરવામાં આવી છે. આ જથ્થો વિજયવાળાથી દિલ્હી લઈ જવામાં આવતો હતો તેવી ડીઆરઆઈ તપાસમાં સામે આવ્યું છે. આ હેરોઈનનો જથ્થો ઈરાનના ઈરાનના અબ્બાસ પોર્ટથી પરથી લોડ કરવામાં આવ્યો હતો જપ્ત થયેલ હેરોઈન અફઘાનિસ્તાનનું હોવાનું સામે આવ્યું છે. ડ્રગ્સ કાંડમાં ગાંધીધામ ડીઆરઆઈ, માંડવી ઉપરાંત અમદાવાદ, ચૈનઈ, અને દિલ્હી સુધી તપાસનો ધમધમાટ શરૂ કરી દેવામાં આવ્યો છે.    

DRI, NCB દ્વારા 5 દિવસથી ચાલી રહી હતી તપાસ

ગુજરાતના કચ્છના મુન્દ્રા પોર્ટ પરથી પકડાયેલા હેરોઈનની કિંમત અંદાજીત 9 હજાર કરોડ માનવામાં આવી રહી છે.આ હેરોઈનને અફઘાનિસ્તાનથી ઈમ્પોટ કરવામાં આવ્યું હોવાનું મનાઈ રહ્યું છે જે દરમિયાન સુરક્ષા એજન્સીઓએ પોર્ટ પરથી આ હેરોઈન ઝડપી પાડ્યું હતું આ હેરોઈન ટેલકમ પાઉડર રૂપે ભારતમાં ઘૂસાડવાનો પ્રયાસ કરવામાં આવી રહ્યો હતો પકડાયેલા આ હેરોઈનનો કંન્સાઈમેન્ટ અત્યાર સુધીમાં સૌથી મોટો કંસાઈન્મેન્ટ મનાઈ રહ્યો છે.

આંધ્રપ્રદેશની કંપનીએ કન્ટેનર મંગાવ્યું હોવાનું ખુલ્યું

કન્ટેઈનરને આંધ્રપ્રદેશના વિજયવાડા સ્થિત આશી ટ્રેડિંગ ફર્મ દ્વારા અફઘાનિસ્તાનથી મુંદ્રા પોર્ટ પર આયાત કરવામાં આવ્યું હતું  જો કે  ટ્રેડિંગ ફર્મ દ્વારા આ હેરોઈનને ટેલકમ પાવડર હોવાનું જણાવાઈ રહ્યું છે. આ હેરોઈન અફઘાનિસ્તાનમાં હસન હુસેન લિમિટેડ ફર્મ દ્વારા મોકલવામા આવ્યું હોવાનું સામે આવ્યું છે ડીઆરઆઈ અને કસ્ટમ ને જ્યારે કંસાઈનમેન્ટ રોકી તપાસ કરી તો ટેલકમ પાઉડરની આડમાં કરોડોનું હેરોઈન મળી આવ્યું હતું, 

હેરોઈનની આંતરરાષ્ટ્રીય કિંમત 9 હજાર કરોડ રૂપિયા

મહત્વનું છે કે ડીઆરઆઈ અને કસ્ટમ વિભાગ દ્વારા છેલ્લા પાંચ દિવસથી આ ઓપરેશન ચલાવવામાં આવી રહ્યું હતું આ પહેલા જુલાઈમાં પણ દિલ્હીમાંથી હજારો કરોડો રૂપિયાનું હેરોઈન મળી આવ્યું હતું જે બાદ પોલીસ વિભાગે કાર્યવાહી કરતા ચાર આરોપીઓને ઝડપી પાડ્યા હતા જેમાંથી ત્રણ આરોપીઓ હરિયાણા હોવાનું સામે આવ્યું હતું  

વિજયવાડા આશી ટ્રેડિંગ કંપનીએ કન્ટેનર મંગાવ્યાનું ખુલ્યું

છેલ્લા બે વર્ષથી સિરક્રીક વિસ્તારમાંથી નશીલા પદાર્થોના પેકેટ્સ મળ્યા છે BSFનાં જવાનો એ હસ્તગત કરેલા આ નશીલા પદાથીના પેકેટ્સ પાકિસ્તાનથી આવતા હોવાની પુષ્ટિ પણ કરી છે. કેટલાક પાકિસ્તાની માછીમારો દરિયામાં માછીમારીની આડમાં ભારતમાં અને ખાસ કરીને ગુજરાતના દરિયાઈ માર્ગેથી નશા જાળ બિછાવી રહ્યા છે. 2018-2019 દરમિયાન આંતર રાષ્ટ્રીય બજારમાં કરોડોની કિમતના કહેવાતા ચરસના પેકેટ્સ હાથ લાગ્યા હતા. હવે મુન્દ્રા બંદર પરથી સંદિગ્ધ કહેવાતા કરોડોની કિમતના માદક   દ્રવ્યોનો ઉપભોગ કોણે કરવાનો છે ? ગુજરાતના યુવાધનને માદક દ્રવ્યોના રવાડે ચઢાવી યૌવન ને ખોખલું કરવાના નાપાક ઈરાદાઓ કોણ ધરાવે છે ? આ માદક પદાર્થનો જથ્થો કોના ઇશારે આવ્યો,અને ક્યા પહોચાડવાનો હતો ? આવા સવાલોના જવાબ હવે DRI એ શોધવા જ રહ્યા.

સેમી પ્રોસેસ્ડ ટેલ્ક સ્ટોનના નામે કન્ટેનર લોડ કરાયા હતા

મુંબઈના 26/11 નાં હુમલાનો માસ્ટર માઈન્ડ કસાબ પણ જખૌના દરિયાઈ માર્ગેથી ઘુસી મુંબઈ   પહોચી ગયો હતો. કૂબેર બોટના માલિકને બંધક બનાવી મુંબઈ પહોચ્યા પછી નાવિકને મોતને ઘાટ ઉતારી દીધો હતો. ત્યારથી ગુજરાતની દરિયાઈ સુરક્ષા જડબેસલાક કરી દેવાઈ છે.આમ છતાં કચ્છના સિરક્રીક વિસ્તારમાં નશીલા પદાર્થો મળી આવ્યા છે. હવે મુન્દ્રા બંદરે અફઘાનિસ્તાનથી આવેલા આ પાઉડરની ચર્ચા સમગ્ર ગુજરાતમાં થવા લાગતા અન્ય એજન્સીઓ પણ   સતર્ક થઇ ગઈ છે.