સાયબર એટેક / યુક્રેનમાં અત્યાર સુધીનો સૌથી મોટો સાયબર એટેક, બેંકોની વેબસાઈટો ઠપ, મંત્રાલયે રશિયા પર કર્યો ગંભીર આક્ષેપ

• યુક્રેનમાં અત્યાર સાયબર એટેક 
• બેંક અને સરકારી વેબસાઈટો ઠપ 
• લોકોના ઓનલાઈન પેમેન્ટ અટકી પડ્યા 

રશિયા અને યુક્રેન હાલ ભયંકર વિવાદ ચાલી રહ્યો છે ત્યારે આવા સમયે યુક્રેનમાં સાયબર એટેકની ઘટના સામે આવી છે. ગત મંગળવારે દેશની સરકારી સાઈટ અને મોટા ભાગની બેંકોને ટાર્ગેટ કરવામાં આવી હતી અને આ સાયબર એટેકને કારણે ઘણા બધા લોકોની ચીંતા વધી ગઈ છે. કારણકે લોકોના રૂપિયા હાલ બેંકોમાં જમા છે. 

ઓનલાઈન પેમેન્ટ રોકાયા 

સાયબર એટેકને કારણે લોકોના ઓનલાઈન પેમેન્ટ રોકાઈ ગયા હતા. જોકે સરકાર દ્વારા લોકોને કહેવામાં આવ્યું કે તેમના રૂપિયા સુરક્ષીત અને સહિ સલામત છે. સાથેજ એવીજ આશંકા પણ વ્યક્ત કરી છે કે આ હુમલા પાછળ રશિયાનો હાથ હોઈ શકે છે. 

રશિયા પર આશંકા 

યુક્રેનના અધિકારીઓએ કહ્યું કે આ સાયબર એટેક યુક્રેનને નિશાન બનાવા વાળા હેકિંગ ઓપરેશનો પૈકી એક છે. આ હુમલો ત્યારે થયો ત્યારે રશિયા દ્વારા આક્રમણની આશંકા છે. જોકે મંગળવારે રશિયા દ્વારા કહેવામાં આવ્યું કે તેઓ આક્રમણ નહી કરે. સાથેજ તેમણે એવું પણ કહ્યું કે તેઓ સૈનિકોને પાછળ હટાવી રહ્યા છે. જોકે પશ્ચિમી દેશો દ્વારા આ વાતના પુરાવાઓ માગવામાં આવ્યા છે. 

20 વેબસાઈટો ઠપ 

આપને જણાવી દઈએ કે આ સાયબર એટેકને કારણે 10 જેટલી યુ્ક્રેનની વેબસાઈટ કામ કરતી બંધ થઈ ગઈ છે. જેમા રક્ષા મંત્રાલય, વિદેશ મંત્રાલય, સંસ્કૃતિ મંત્રાલય અને યુક્રેનના બે સૌથી મોટા સરકારી બેંક પણ શામેલ છે. બેંકની વેબસાઈટો હેક થયા બાદ ગ્રાહકોએ પણ એવી ફરિયાદ કરી કે તેમનું નેટ બેંકિંગ બંધ થઈ ગયું છે. જેના કારણે તેઓ ઓનલાઈન પેમેન્ટ નથી કરી શકતા. 

લોકોના રૂપિયા સહિ સલામત 

ઉલ્લેખનીય છે યુ્ક્રેનના સૂચના મંત્રાલય અને સુરક્ષા કેન્દ્ર દ્વારા એવી જાણકારી આપવામાં આવી છે કે બેંકધારકોને આ સાયબર એટકથી કોઈ નુકશાન નથી થયું. પરંતું મંત્રાલયનું કહેવું છે કે ભલે રશિયા પાછળ જઈ રહ્યું હોય પરંતુ સંભવ છે કે આ સાયબર એટેક તેણે જ કર્યો ક્યો હોય.