સુ'રક્ષાબંધન' / વીર જવાનો સાથે રક્ષાબંધનની સૌથી મોટી ઉજવણી, જવાનોએ કહ્યું અમે ઘરથી દૂર નથી...

• ભાઈ બહેનના હેતનો પર્વ, સ્નેહના તાંતણે સુરક્ષાના બંધન
• બહેનોએ  RAFના જવાનોને રાખડી બાંધી સુરક્ષાની કામના કરી
• રક્ષાપુત્રોને રક્ષાસૂત્રનું કવચ

આપણા રક્ષક  અને  સરહદના પ્રહરીઓની પણ સુરક્ષાની કામના કરવાનું પર્વ હોય તો આપણી બહેનો કેમ બેસી રહે, જેની સજગ ઉપસ્થિતિથી આપણે સુરક્ષિત છીએ એવા વીર જવાનો ભલે પોતાના પરિવારથી જોજનો દૂર હોય પરંતુ અમદાવાદની બહેનો તેમને પરિવારનો ખાલીપો અનુભવવા દે તેમ નથી, રક્ષાબંધના પવિત્ર દિવેસે આવા સ્નેહ અને ભાવના સુમધુર સમન્વય જેવા દ્રશ્યો  અમદાવાદના વસ્ત્રાલ ખાતે આવેલા આરએએફ કેમ્પમાં સર્જાયા હતા....જ્યાં રહેતા  જવાનોનો પરિવાર હજારો કિલોમીટર દૂર છે, તેમના માટે તેમની બહેનો રક્ષાબંધનની રાખડી  પોસ્ટમાં મોકલતી હોય છે... ત્યારે આવા વીરાઓને  પરિવારની ગેરહાજરીનો જરાપણ અહેસાસ ન થાય  તેની ચિંતા અમદાવાદની બહેનોએ કરી છે, અમદાવાદની બહેનો દ્વારા જવાનો સાથે રક્ષાબંધન ઉજવી પરિવારના સ્નેહ અને પ્રેમની અનુભૂતિ કરાવી છે, ત્યારે શુ કહી રહી છે બહેનો આવો સાંભળીએ.

આ રીતે રક્ષાબંધનના પર્વની ઉજવણી સેનાના જવાનોનું પણ મનોબળ વધારવાનું કામ કરે છે, જવાનો પોતાના પરિવારોથી દૂર દિવસ-રાત, ઠંડી-ગરમી અને વિષમ પરિસ્થિતિ વચ્ચે રહીને પણ દેશની સુરક્ષા કરતા હોય છે, ત્યારે અમદાવાદની બહેનો પણ જવાનોને રક્ષાસૂત્ર બાંધીને જાણે પોતાની રાષ્ટ્રીય ફરજ બજાવી હોય તેવી અનુભૂતિ કરી રહી છે, ભાઈ બહેનના સ્નેહના પર્વ નિમિત્તે 300 થી વધુ બહેનોએ દેશના વીર જવાનોને રાખડી બાંધી હતી. ત્યારે રાખડી બંધાવનાર  જવાનોનો પોતાની અનુભૂતિને કેવી રીતે વર્ણવી રહ્યા છે.જવાનો કહી રહ્યા છે કે રક્ષાબંધનપર્વ આવતા એવું લાગે છે કે અમે ઘરથી દૂર છીએ પણ આજે બહેનોએ જે રીતે ઉજવણી કરી અમને ભાસ પણ ન થવા દીધો કે અમે ઘરથી દૂર છીએ. 

રક્ષાબંધનના પર્વ પર VTV ગુજરાતી  ભારત માતાની રક્ષા કાજે જેટલા પણ જવાનો સરહદ ઉપર ખડે પગે રહીને આપણી સુરક્ષા કરી રહ્યા છે તેવા જવાનો રક્ષારૂપી કવચ એવા રક્ષાબંધનીનું શુભેચ્છા પાઠવે છે.