અમદાવાદ / મનપાના વિપક્ષ નેતાને લઈ મોટા સમાચાર : વિપક્ષના નેતા તરીકે આમને મળી શકે છે સ્થાન, કોકડું ગુંચવાતા લેવાઈ શકે છે નિર્ણય 

• અમદાવાદ મનપા વિપક્ષ નેતાનું કોકડું ગુંચવાયું
• ધારાસભ્યોની ખેંચતાણને લઇ નિમણૂંક અટકી
• મહિલા કોર્પોરેટરના વિપક્ષ નેતા બનાવવા રજૂઆત

ગુજરાતમાં આગામી 2022ની વિધાનસભાની ચૂંટણીઓને લઈને તૈયારીઓ શરૂ થઈ ગઈ છે તો બીજી તરફ ગુજરાત કોંગ્રેસમાં હોદ્દેદારોની નિમણૂંક કરવા માટે કવાયત તેજ થઈ ગઈ છે પરતું અમદાવાદ મનપાના વિપક્ષના નેતા તરીકે કોને નિમવા તેને લઈને કોકડું ગુંચવાયું છે. 

અમદાવાદ મનપા વિપક્ષ નેતાનું કોકડું ગુંચવાયું

ચૂંટણીના 3 મહિના વિત્યા બાદ પણ હજુ સુધી વિપક્ષ નેતા નિમવામાં આવ્યા નથી તો આ તરફ કોંગ્રેસમાં ધારાસભ્યોની ખેંચતાણ પણ જોવા મળી રહી છે. ગઈ કાલે જ મહિલા કોપોરરેટરના જૂથે આ વખતે મહિલાને વિપક્ષ નેતા બનાવવામાં આવે તેવી રજૂઆત કરી હતી તો બીજી તરફ શહેજાદ ખાને પણ વિપક્ષ નેતા બનવાની માંગ કરી છે.

ધારાસભ્યોની ખેંચતાણને લઇ નિમણૂંક અટકી

આ તરફ અમદાવાદ શહેર કોંગ્રેસના પ્રમુખ દિનેશ શર્મા બની શકે છે તેવી ચર્ચા પણ સાંભળવા મળી રહી છે AMCના પૂર્વ વિપક્ષીનેતા દિનેશ શર્મા નવા અમદાવાદ કોંગ્રેસના પ્રમુખ બની તેવી ચર્ચાઓએ જોર પકડી રહી છે જ્યારે AMC વિપક્ષના નેતા તરીકે સેહજાદ ખાન અને નીરવ બક્ષી બની શકે તેવી અટકળો પણ સંભળાઈ રહી છે  મહત્વનું છે કે બંને અઢી અઢી વર્ષ માટે વિપક્ષ નેતા બનાવી શકે તેવું પણ મનાઈ રહ્યું છે હાલ અમદાવાદ શહેરના કોંગ્રેસના કાર્યકારી પ્રમુખ ચેતન રાવલ છે.