બનાસકાંઠાના જિલ્લામાં ઉનાળાની શરૂઆત થતાં જ પાણીનો કકળાટ શરૂ થઈ ગયો છે. જેને આગામી સમયમાં મોટા આંદોલનના ભણકારા વાગી રહ્યાં છે
વાવના ચોથાનેસડા ગામે પીવાના પાણીનો કકળાટ
પીવાના પાણી માટે લોકોની રજળપાટ
ગ્રામજનોએ આંદોલનની ચીમકી ઉચ્ચારી
ચોથાનેસડા ગામે 10 દિવસથી નથી મળતું પીવાનું પાણી
ગુજરાત મોડલની વાતો વચ્ચે હાલમાં તો સરહદી વિસ્તારમાં પીવાનાં પાણી માટે લોકો પડાપડી કરતાં હોવાના અહેવાલ સામે આવ્યો છે. જેમાં વાવ પંથકમાં મહત્તમ તાપમાનો પારો 40 ડિગ્રીની પાર પહોંચ્યો છે. ત્યારે વાવના ચોથાનેસડા ગામે પીવાના પાણીનો કકળાટ શરૂ થયો છે. ચોથાનેસડા ગામમાં છેલ્લા 10 દિવસોથી પીવાનાં પાણીની વિકટ સમસ્યા સર્જાઈ છે. સ્થાનિકોએ પીવાનાં પાણીને લઈને મુખ્યમંત્રી સુધી લેખિત રજુઆત કરી છે. છતાં પીવાનું પાણી નહિ મળતાં મહિલાઓ સહિત નાનાં નાનાં બાળકોએ પણ દૂર દૂર સુધી ભટકવું પડે છે
જો બે દિવસમાં પાણી ન મળે તો આંદોલનની ચીમકી
આમ ઉનાળો શરૂ થતાની સાથે પીવાના પાણી માટે વાવના ચોથાનેસડા ગામે પીવાના પાણી માટે લોકો રજડપાટ કરી રહ્યા છે. બીજી તરફ ગ્રામજનો સમયસર પુરતુ પાણી ન મળતાં ભારે રોષ જોવા મળી રહ્યો છે. આ અંગે સ્થાનિક ગ્રામજનોએ જણાવ્યું હતું કે, જો આગામી બે દિવસોમાં સમગ્ર ગામમાં પાણીની સમસ્યાનો ઉકેલ નહીં આવતો આગામી દિવસોમાં પાણી મુદ્દે સરકાર સામે ઉગ્ર આંદોલનની ચીમકી ઉચ્ચારી હતી.