અમદાવાદ / કોંગ્રેસના આ મોટા નેતાએ સરકાર પર કર્યા આક્ષેપ, કહ્યું સાયન્સ સિટીને સરકારે બિઝનેસ હબ બનાવી 

• સાયન્સ સિટીને સરકારે બિઝનેસ હબ બનાવી દીધી
• વિવિધ ગેલેરી માટે ઉંચી ફી રાખવામાં આવી 
• સાયન્સ સિટી બાળકોમાં વૈજ્ઞાનિક અભિગમ વિકસાવવા માટે 

અમદાવાદ સાયન્સ સિટીના ચાર્જીસ મુદ્દે અર્જુન મોઢવાડિયાના આક્ષેપ સરકાર પર આક્ષેપ કર્યા છે આજે વડાપ્રધાન મોદીને હસ્તે સાયન્સ સિટી ખાતે ગુજરાતના સૌથી મોટા ગણાતા પ્રોજેક્ટનું વર્ચ્યુઅલ લોકાર્પણ કરવામાં આવનાર છે. 

બાળકોમાં વૈજ્ઞાનિક અભિગમ વિકસાવવા માટે 

ઉલ્લેખનિય છે કે વડાપ્રધાન મોદી સાયન્સ સીટી ખાતે એક્વેટિક ગેલેરી, રોબોટિક ગેલેરી તેમજ નેરચપાર્કનું વર્ચ્યૂઅલ માધ્યમથી લોકાર્પણ કરશે જેમાં મુખ્યમંત્રી અને કેન્દ્રિય ગૃહમંત્રી પણ હાજરી આપશે.એવામાં કોંગ્રેસના મોટા નેતા અર્જૂન મોઢવાડિયાએ સરકાર પર આક્ષેપ કરતા જણાવ્યું કે વિવિધ ગેલેરી માટે ઉંચી ફી રાખવામાં આવી છે. 

વિવિધ ગેલેરી માટે ઉંચી ફી રાખવામાં આવી 

સાયન્સ સિટીને સરકારે બિઝનેસ હબ બનાવી દીધી હોવાનો અર્જન મોઢવાડિયાએ આક્ષેપ કર્યો હતો. તેમણે એમ પણ જણાવ્યું કે બાળકોમાં વૈજ્ઞાનિક અભિગમ વિકસાવવા માટે સાયન્સ સિટી છે ત્યારે હવે સાયન્સ સિટીની મુલાકાત લેવા માટે વધુ ખર્ચ કરવો પડશે તેને લઈ સવાલો ઉઠાવવામાં આવ્યા છે. 

સાયન્સ સિટીમાં ખર્ચવા પડશે રૂ.1850

કોંગ્રેસે સાયન્સ સિટીમાં ફીના દરમાં વધારો કરવાને લઈ સવાલ ઉઠ્યા છે મહત્વનું છે કે એન્ટ્રી ફી 50 રૂપિયા, કાર પાર્કિટ ફી 50 રૂપિયા, રોબોટિક ગેલેરી ફી 250 રૂપિયા, એક્વાટિક ગેલેરી- 250 રૂપિયા, 3D સ્કેનર 500 રૂપિયા, રોબો પેન્ટર- 200 રૂપિયા, VR- 200 રૂપિયા, 5D થિએટર- 150 રૂપિયા, અન્ય રાઈડસ- 200 રૂપિયા આમ સાયન્સ સિટીમાં 1850 રૂપિયા કરતા વધુ ખર્ચ કરવો પડતો હોવાનું જણાવ્યું છે. અને સાયન્સ સિટી બિઝનેસ હબ બન્યું હોવાનું કોંગ્રેસે આક્ષેપ કર્યો છે.