આર્યન ખાનની ધરપકડ બાદ શાહરુખ ખાનના કામ પર પણ અસર થઇ રહી છે. SRKને કરોડો રૂપિયાનું નુકસાન થયું છે. એક પ્રોજેક્ટ તો તેના હાથમાંથી સરકી ગયો છે.
આર્યનની ધરપકડથી શાહરુખને નુકસાન
SRK પાસેથી મોટા બ્રાંડની ડીલ ગઇ
આ મુદ્દે શાહરુખ ખાન તરફથી કોઇ નિવેદન નહી
મુંબઇમાં ડ્રગ કેસમાં પોતાના દિકરા આર્યન ખાનની ધરપકડ બાદ બોલીવૂડ એક્ટર શાહરુખ ખાન સામે નવી મુશ્કેલી આવીને ઉભી છે. રિપોર્ટ અનુસાર, SRK સાથે એક બ્રાંડે સંબંધ પતાવી દીધા છે. એડ્સના એડવાન્સ પેમેન્ટ આવવાના પણ બંધ થઇ ગયા છે.
SRK પાસે છે ઘણા પ્રોજેક્ટ
એક રિપોર્ટ અનુસાર આ કેસ બાદ ટ્વિટર અને અન્ય સોશ્યલ મીડિયા પ્લેટફોર્મ પર શાહરુખ ખાન અને તેનો પરિવાર ખુબ ટ્રોલ થઇ રહ્યો છે, જે બાદથી એડ કંપનીઓએ શાહરુખ પાસેથી એડનો કોન્ટ્રાક્ટ તોડી દીધો છે. બાયજુના પ્રવક્તાએ આ મામલે કોઇ પણ ટિપ્પણી કરવાથી ઇન્કાર કરી દીધો છે.
આટલા કરોડની હતી ડીલ
એક દાવા પ્રમાણે શાહરુખની બાયજુ સાથે આ ડીલ 3-4 કરોડ રૂપિયાની હતી. 2017થી શાહરુખ આ કંપનીના બ્રાંડ એમ્બેસેડર છે. તેણે બાયજુ સાથે પ્રમોશન હાલમાં રોકી દીધા છે. શિક્ષાના ક્ષેત્રમાં કામ કરતી કંપની આ વિવાદને જોઇને તેને પ્રમોશનમાં જોવા માંગતી નથી.
સોશ્યલ મીડિયા યુગમાં વધ્યું જોખમ
ક્રિએટીવ એડ એજન્સી FCBના ચેરમેન રોહીતે કહ્યું કે હાલના વિવાદને જોતા બાયજુ પોતાની બ્રાંડને બચાવવાનો પ્રયત્ન કરી રહ્યો છે. સોશ્યલ મીડિયા યુગમાં જોખમ ખુબ વધી ગયું છે. ઉદાહરણ તરીકે નાઇક અને ટાઇગર વુડ્સ.
શાહરુખ પાસે આ બ્રાંડ છે
શાહરુખ પાસે હ્યુંડાઇ, LG, દુબઇ ટુરિઝમ, ICICI બેન્ક અને રિલાયન્સ જીઓ જેવી બ્રાંડ હજુ પણ છે.