The Big Bang Theory ધ બિગ બેંગ થ્યોરીના એક એપિસોડમાં માધુરી દીક્ષિતને લઈને કરેલી એક અપમાનજનક ભાષાના ઉપયોગ બાદ નેટફ્લિક્સને લીગલ નોટિસ મોકલવામાં આવી છે. આ નોટિસ એક પોલિટિકલ એનાલિસ્ટે મોકલી છે.
માધુરીને લઈને અપમાનજનક ભાષાનો ઉપયોગ
નેટફ્લિક્સને મોકલવામાં આવી લીગલ નોટિસ
15 વર્ષ જુના એપિસોડ પર હવે કેમ થઈ બબાલ?
ફેમસ અમેરિકન કોમેડી ટીવી શો ધ બિગ બેંગ થ્યોરીના એક એપિસોડમાં માધુરી દીક્ષિતને લઈને અપમાનજનક વાતો કહેવામાં આવી હતી. હવે લગભગ 15 વર્ષ બાદ મિથુન વિજય કુમાર નામના શખ્સે તેના પર વાંધો ઉઠાવતા નેટફ્લિક્સને લીગલ નોટિસ મોકલી છે. એપિસોડ તો 15 વર્ષ જુનો છે પરંતુ હવે તેના પર બબાલ થઈ રહ્યો છે.
શું છે નોટિસમાં?
પોલિટિકલ એનાલિસ્ટ મિથુન વિજય કુમારે પોતાની નોટિસમાં નેટફ્લિક્સ પાસે માંગ કરી છે કે ધ બિગ બેંગ થ્યોરી સીઝન2ના પહેલા એપિસોડમાં આપત્તીજનક વાતચીતના ભાગને હટાવવામાં આવે.
એપિસોડમાં કુણાલ નય્યરનું કેરેક્ટર રાજ કુથરાપલ્લી અને જિમ પરસનના કેરેક્ટર શેલ્ડન કૂપર બોલિવુડ એક્ટેરસ એશ્વર્યા રાય અને માધુરી દીક્ષિતની તુલના કરતા દર્શાવવામાં આવ્યું છે.
શું છે આ વિવાદિત સીનમાં?
જે સીનને લઈને હવે લગભગ 15 વર્ષ બાદ નેટફ્લિક્સને નોટિસ મોકલવામાં આવી છે તેમાં કપૂર એશ્વર્યા રાયને ગરીબોની માધુરી દીક્ષિત કહે છે. તેના પર કૂથરાપલ્લી જવાબ આપે છે. "એશ્વર્યા રાય દેવી છે..." અહીં પર તે એશ્વર્યા સાથે માધુરીની તુલના કરતા એક અપમાનજનત શબ્દનો ઉપયોગ કરે છે.
ફરિયાદીએ આ ડાયલોગ્સને ભારતીય સંસ્કૃતિ અને મહિલાઓ માટે આપત્તીજનક અને અપમાનજનક ગણાવ્યું છે. નોટિસ મુંબઈ વાળા નેટફ્લિક્સ ઓફિસને મોકલવામાં આવી છે. નોટિસમાં કહેવામાં આવ્યું છે કે આ પ્રકારના કન્ટેન્ટ સમાજ પર ખોટી અસર કરી શકે છે. સાથે જ આવા કન્ટેન્ટને આ મહિલાઓ વિરૂદ્ધ સ્ટીરિયોટાઈપ અને ભેદભાવ વધારનાર કહેવામાં આવ્યા છે. તેમણે સાથે જ કહ્યું કે સ્ટ્રીમિંગ જે કન્ટેન્ટ આપી રહ્યું છે તેના માટે જવાબદાર હોવું જોઈએ.