ઓસ્ટ્રેલિયાના પૂર્વ દિગ્ગજ બેટર અને કેપ્ટન રિકી પોન્ટિંગે ભારતના સૂર્યકુમાર યાદવના ખૂબ જ વખાણ કર્યા છે. તેમણે કહ્યું કે મેં તેમનાથી સારો બેટ્સમેન નથી જોયો.
દિગ્ગજ બેટ્સમેન રિકી પોન્ટિંગનું નિવેદન
સૂર્ય કુમાર યાદવને લઈને કહી આ વાત
કહ્યું નથી જોયો આવો સારો બેટ્સમેન
ઓસ્ટ્રેલિયાના પૂર્વ કેપ્ટન અને પોતાના સમયના દિગ્ગજ બેટ્સમેન રિકી પોન્ટિંગે ભારતના મિડલ ઓર્ડર બેટ્સમેન સૂર્યકુમાર યાદવના વખાણ કરતા રહ્યું કે તે કોઈ પણ ખેલાડીની તુલનામાં સારૂ પ્રદર્શન કરી રહ્યા છે.
ક્રિકેટર ઓફ ધ યર વિજેતા હતા સૂર્ય કુમાર
ટી20માં દુનિયાના નંબર વન બેટર સૂર્યકુમાર હાલમાં જ આઈસીસી ટી20 ક્રિકેટર ઓફ ધ યર 2022ના વિજેતા બન્યા હતા. તેમણે વર્ષ 2022માં એક હજારથી વધારે રન બનાવ્યા. તેની સાથે જ તે ટી20 ઈન્ટરનેશનલમાં એક વર્ષમાં એક હજારથી વધારે રન બનાવનાર બીજા બેટર છે.
સૂર્ય કુમાર 2022માં ટી20માં સૌથી વધારે રન બનાવનાર ખેલાડી હતા. તેમણે 46.56ની સરેરાશ અને 187.43ની શાનદાર સ્ટ્રાઈક રેટથી 1,164 રન બનાવ્યા. તેમણે 2022માં 68 છગ્ગા માર્યા, જે કોઈ પણ ખેલાડીની તુલનામાં સૌથી વધારે છે.
શું કહ્યું રિકી પોન્ટિંગે?
રિકી પોન્ટિંગએ કહ્યું," તે કદાચ અત્યાર સુધી કોઈ પણ કરતા વધારે સારૂ પ્રદર્શન કરી રહ્યા છે. અમે એ ખેલાડીઓ વિશે વાત કરી રહ્યા છીએ જે 360 ડિગ્રી સ્કોર કરી શકે છે. અમુક એવા શોટ જે તે વિકેટકિપરની પાછળ અને ફાઈન લેગ પર મારે છે. તે ઉલ્લેખનીય છે."
રિકી પોન્ટિંગે કહ્યું, "પાંચ અથવા છ વર્ષ પહેલા, તેમણે આઈપીએલમાં ઘણું બધુ કરવાનું શરૂ કરી દીધુ હતું. તે બોલને ડીપ-બેકવર્ડ સ્ક્વેયર પર ફ્લિક કરવા અને બોલને ફાઈન-લેગ પર મારવામાં ખૂબ જ સારો હતો. સૂર્ય હાલ શોર્ટ બોલરને હિટ કરવામાં સક્ષમ છે."