સ્વાસ્થ્ય / આયુર્વેદ પંચકર્મ છે ફાયદાકારક, આ રીતે કરશે શરીરને ડિટોક્સ

એક સારા ડિટોક્સ ડાયેટમાં 60 ટકા લિકવીડ અને 40 ટકા ઠોસ ખાદ્ય પદાર્થ હોવા જોઇએ. શરીરમાં લિકવીડની માત્રા વધવાથી થાક, કબજિયાત, યુરિનરી પ્રોબલેમ, હ્રદય રોગ, મેદસ્વીતા, અન્ય લાઇફસ્ટાઇલ ડીસીઝથી બચી શકાય છે. ડિટોક્સીફિકેશન માટે આયુર્વેદમાં ઔષધિયુક્ત કાઢા આપવામાં આવે છે તેનાથી લિવર અને કિડનીની કાર્યપ્રણાલી સુધરે છે.

બિમારીનું કારણ ટોક્સિંસ:

શરીરમાં રહેલા ટોક્સિન્સ ઘણીવાર બિમારીનું કારણ બને છે, તેથી મોસમ અનુસાર ખાણીપીણીમાં બદલાવ લાવીને શરીરને સ્વચ્છ કરી શકાય છે. લિક્વીડ વસ્તુઓ વધુ લેવામાં આવે છે. ખોરાકની સાથે શરીરમાં જતા ઝેરીલા પદાર્થો આંતરડાના સેલ્સને ક્ષતિગ્રસ્ત કરે છે.

મોસમ અનુસાર થાય છે પંચકર્મ:

એલોપેથીમાં જીવાણુઓને રોગનું કારણ માનવામાં આવે છે. આયુર્વેદમાં વાત, પિત્ત અને કફને બીમારીનું કારણ માનવામાં આવે છે. વરસાદમાં વાયુ થાય છે તેથી તેલની ધાર કરાય છે. વસંતમાં કફ માટે વમન અને શરદમાં વિરેચન કરવામાં આવે છે. ત્વચા રોગોમાં વમન, વિરેચન ક્રિયા અને મેદસ્વીતામાં વમન તેમજ વસ્તિ અને થાઇરોડમાં 16 દિવસ સુધી વસ્તિ ક્રિયા કરવામાં આવે છે. વમન અને વિરેચન ક્રિયા બાદ દાળ, ભાતનું પાણી, ખીચડી વગેરે ખવડાવે છે.

લિકવીડ ડાયેટ વધુ લો:

શરીરમાં સૌથી પહેલા પાણીની માત્રાને વધારવામાં આવે છે. આ માટે પાણી, જ્યુસ, લીંબુ પાણી, નારિયેલ પાણી અને છાશ આપવામાં આવે છે. એક દિવસમાં ઓછામાં ઓછુ 5થી 6 લિટર પાણી અને લિક્વીડ અપાય છે. ખાણીપીણીમાં એવા ફળ સામેલ કરાય છે જેમાં રેશા અને પાણીની માત્રા વધુ હોય છે. મોસંબી, લીંબુ, સંતરા, ખીરા, કાકડી, તરબુચ વગેરે લેવાની સલાહ અપાય છે.