ફેરફાર / આ બેન્ક ભારતમાં બંધ કરી રહી છે બિઝનેસ, ચૅક કરો તમારુ તો ખાતુ નથી ને ?

• ભારતમાંથી સમેટી લીધો બિઝનેસ 
• 13 માર્કેટમાંથી સમેટી લેશે કારોબાર 
• 1902માં બેન્ક આવી હતી ભારત 

અમેરિકાની આ બેન્કે ગુરુવારે ભારતમાંથી કારોબાર સમેટી લેવાનું એલાન કર્યુ છે. જો કે આ નિર્ણય બેન્કે કેમ લીધો છે અને કર્મચારીઓ પર શું અસર થશે તે વિશે પણ વાત કરી છે. 

સંપન્ન દેશો પર જ ફોકસ 
સિટીબેન્કે ભારતની બહાર નીકળવાના નિર્ણય પર કહ્યું કે, આ તેની વૈશ્વિક રણનીતિનો હિસ્સો છે. સિટીબેન્કે ગ્લોબલ લેવલ પર આ નિર્ણય કર્યો છે કે તે 13 માર્કેટમાંથી પોતાના બિઝનેસને હટાવી લેશે. હવે તે કેટલાક સંપન્ન દેશો પર જ ફોકસ કરશે. 

4000 કર્મચારીઓ
બેન્ક કન્ઝ્યુમર બેન્કિંગ બિઝનેસમાં ક્રેડિટ કાર્ડ્સ, રિટેલ બેન્કિંગ, હોમ લોન અને વેલ્થ મેનેજમેન્ટ સામેલ છે. સિટીબેન્કની દેશમાં 35 શાખાઓ છે અને તેના કન્ઝ્યુમર બેન્કિંગ બિઝનેસમાં 4000 કર્મચારીઓ કામ કરે છે. સિટીબેન્કના ગ્લોબલ સીઇઓ જેન ફ્રેજરે કહ્યું કે આ ક્ષેત્રોમાં કોમ્પિટીશનનો માહોલ નથી જેના કારણે બેન્કે આ નિર્ણય લીધો છે. સિટીબેન્ક રીટેલ બિઝનેસમાંથી બહાર નીકળી રહી છે. 

સિટી ઇન્ડિયાના સીઇઓ આશુ ખુલ્લરે કહ્યું કે, અમારા ઓપરેશન્સમાં તત્કાલ કોઇ જ બદલાવ નહી આવે અને આ ઘોષણાનો અમારા સાથીઓ પર પણ કોઇ તત્કાલ અસર નહી થાય. સિટી બેન્કે 1902માં ભારતમાં પગ મુક્યો હતો ઇને 1985માં બેન્કે કન્ઝ્યુમર બેન્કિંગનો બિઝનેશ શરૂ કર્યો હતો. 

પાર્ટનરની તલાશ 
સિટીબેન્ક પોતાની નવી બિઝનેસ સ્ટ્રેટેજી સાથે ભારત સિવાય ઓસ્ટ્રેલિયા, ઇન્ડોનેશિયા, બહરીન, ચીન, સાઉથ કોરિયા, મલેશીયા, ફિલિપીન્સ, પોલેન્ડ, રુસ, તાઇવાન, થાઇલેન્ડ અને વિયેતનામમાં થી પણ પોતાનો રિટેલ બિઝનેસ ઉઠાવી લેશે. મિડીયા રિપોર્ટ્સ અનુસાર સિટીબેન્ક ભારતમાં પોતાના રિટેલ અને કન્ઝ્યુમર બિઝનેસને વેચવા માટે કોઇ પાર્ટનર શોધી રહ્યો છે.