ઓસ્ટ્રેલિયા કેપ્ટન ટિમ પેને ભારતીય સ્પિનર અશ્વિનની માફી માંગી હતી. આઇસીસી દ્વારા સજા આપ્યા બાદ મંગળવારે ટિમ પેને અચાનક પ્રેસ કોન્ફરન્સ બોલાવી હતી અને પોતાના વ્યવહાર માટે માફી માંગી હતી.
ઓસ્ટ્રેલિયાના કેપ્ટને અશ્વિનની માંગી માફી
પ્રેસ કોન્ફરન્સ બોલાવીને માફી માંગી
એમ્પાયર સાથે પણ કરી હતી પેને દલીલ
પેન પર એમ્પાયરના નિર્ણય પર નારાજગી જતાવવા પર 15 ટકા દંડ લગાવવામાં આવ્યો હતો. સિડની ટેસ્ટ દરમિયાન એમ્પાયર સાથે દલીલ, ખરાબ વિકેટ કિપીંગ અને અશ્વિન સાથે પણ દલીલ કરીને તે લાઇમલાઇટમાં આવ્યા હતા.
અશ્વિન જ્યારે બેટિંગ કરી રહ્યો હતો ત્યારે પેને તેની સાથે દલીલ કરી હતી. પેને આજે પ્રેસ કોન્ફરન્સમાં કહ્યું, મારી કપ્તાની સારી નહોતી. મે ખેલના દબાવને પોતાના પર હાવી થઇ જવા દીધો હતો. મારા મુજ સાથે પ્રદર્શનને પણ પ્રભાવિત કર્યો હતો. હું એક માણસ છું અને કાલની ભૂલો માટે માફી માંગુ છુ. તેણે કહ્યું કે મેચ બાદ મેં અશ્વિન સાથે વાત કરી અને તે ઘટના પર અમે હસ્યા પણ હતા.
પેને કહ્યું કે, મે કાલે મેચ બાદ તરત જ અશ્વિન સાથે વાત કરી હતી. છેલ્લે એવું લાગ્યું કે હું જ બેવકૂફ છું.
પેન અને અશ્વિન વચ્ચે દલીલ
સિડની ટેસ્ટના છેલ્લા દિવસે, પેન અને અશ્વિન વચ્ચે 122 મી ઓવરમાં દલીલ થઈ હતી. પેને કહ્યું કે તે ગાબામાં ભારતના આવવાની રાહ જોઇ શકશે નહીં. જેના પર અશ્વિને એક ઉત્તમ જવાબ આપ્યો અને પેનને કહ્યું, "હું તમારી ભારત આવવાની રાહ જોઈ શકુ તેમ નથી, કેમ કે આ તમારી છેલ્લી શ્રેણી હશે."
આ બાદ પેને કહ્યું કે, એટ લિસ્ટ મારી ટીમના લોકો મને પસંદ કરે છે. ત્યારે અશ્વિને કહ્યું કે, આઇપીએલની દરેક ટીમ તમને પસંદ કરતી હતી. બાદમાં પેને કહ્યું કે હા ખેલ ચાલી રહ્યો હતો ત્યારે અમારા વચ્ચે થોડી બોલાચાલી થઇ હતી જેના માટે હુ માફી માંગુ છુ.