SDM એ.ચ.ટી. મકવાણા ફોન પર કોઈને ધમકાવી રહ્યા છે, વાયરલ ઓડિયો સાચો છે પણ જૂનો હોવાની કરી કબૂલાત
મહીસાગરના SDM એ.ચ.ટી. મકવાણાનો ઓડિયો વાયરલ
ફોન કરનાર પર રૌફ જમાવી સાહેબ કહેવા માટે કર્યું દબાણ
હું સામેની વ્યક્તિને નથી ઓળખતો-SDM
મહીસાગરના વીરપુરના SDMનો એક ઓડિયો વાયરલ થયો છે.. SDM હરેશભાઈ.ટી. મકવાણા ફોન પર કોઈને ધમકાવી રહ્યા છે. અને સાહેબની જગ્યાએ નામથી બોલાવતા ગુસ્સે ભરાઈ ગયા છે.
આપણે તો ક્લાસમેટ છીએ ને, તો પણ હરેશભાઈ નહીં સાહેબ કહેવાનું
ફોન કરનાર વ્યક્તિ પોતાને SDM હરેશભાઈ 'સાહેબ'ને પોતાનો ક્લાસમેટ બતાવી રહ્યા છે.અને સાથે ભણ્યા હોવાનું કહી રહ્યા છે. પણ સામે SDM સાહેબ હું મારી મહેનતથી આ પદ પર બેઠો હોવાની વાત કરી રહ્યા છે.અને કહી રહ્યા છે કે હરેશભાઈ નહીં સાહેબ કહેવાનું, હું સરકારી અધિકારી છું. આમ કહી ફોન કરનાર વ્યક્તિ પર રૌફ ઝાડી રહ્યા છે.નાયબ કલેકટરની પોસ્ટ પર બેઠેલા અધિકારીનો આ રીતના વ્યવહારની લોકો ઝાટકણી કાઢી રહ્યા છે.
હરેશભાઈ કહ્યુ તો વોરન્ટ કાઢીને પકડાવી દઈશ
આ ઓડિયો જૂનો હોવાનો પણ SDM એચ.ટી. મકવાણા દાવો કરી ચૂક્યા છે.. મકવાણા સામેની વ્યક્તિને સાહેબ કહેવા માટે દબાણ કરી રહ્યા છે. મને હરેશભાઈ કહેવાનું.. હું સરકારી અધિકારી છું. તમારે સાહેબ જ કહેવું પડે.. સામેવાળી વ્યક્તિ SDMનો ક્લાસમેટ હોવાનો દાવો કરી રહ્યો હતો. આપણે સાથે ભણતા હતા માટે તમને ભાઈ કહીને સંબોધું છું.. જેના જવાબમાં SDMએ કહ્યું કે હું મારી મહેનતથી SDM બન્યો છું. મને હરેશભાઈ કહ્યુ તો વોરન્ટ કાઢીને પકડાવી દઈશ. સમગ્ર ઓડિયો ક્લિપ વાયરલ થતાં આ બાબતે હરેશભાઈ 'સાહેબે' ચોખવટ કરી છે.
ઓડિયો પોતાનો હોવાની કબૂલાત કરી
આ ઓડિયો ક્લિપ વાયરલ થતાં જ્યારે VTVએ SDMને પૂછ્યું ત્યારે ઓડિયો પોતાનો જ હોવાની કબૂલાત કરી અને મારા નામનો દુરુપયોગ થતો હતો માટે આ રીતે વાત કરી હોવાનો ઉલ્લેખ કર્યો. સાથે જ કહ્યું કે સામેની વ્યક્તિને ઓળખતો જ નથી. ઘણા દિવસ પહેલા આ રીતનો ફોન આવેલો જેથી મારા નામનો ખોટો ઉપયોગ ન થાય તે માટે સાહેબ કહેવાની વાત મૂકી હતી