Election 2024 / 'નરેન્દ્ર મોદીના હાથ મજબૂત કરવાની વેળા છે' રૂપાલા વિવાદ વચ્ચે કાઠી ક્ષત્રિય સમાજનો ભાજપને ટેકો

ગુજરાતના રાજકારણમાં સૌથી વધુ ચર્ચાસ્પદ બનેલો મુદ્દો રૂપાલા vs ક્ષત્રિય હવે ધીરે ધીરે શાંત થઈ રહ્યો છે.  ભાજપના નેતા પરષોત્તમ રૂપાલાના નિવેદનથી ભડકેલી વિવાદની આગ હવે ધીરે ધીરે બૂજાતી જણાઈ રહી છે. રૂપાલાના સમર્થમાં લાગેલા પોસ્ટરો બાદ હવે ભાજપ કાર્યાલય ખાતેથી કાઠી ક્ષત્રિય સમાજે પત્રકાર પરિષદ યોજીને રાજકોટ ભાજપના ઉમેદવાર પરષોત્તમ રૂપાલાને સમર્થન જાહેર કર્યું છે. 

કાઠી ક્ષત્રિય સમાજનો ભાજપને ટેકો
અખિલ ભારતીય કાઠી ક્ષત્રિય સમાજે રૂપાલાને સમર્થન જાહેર કર્યું છે.  સમાજના પ્રમુખે કહ્યું કે, અમારી સમાજની કોર કમિટીની બેઠક મળી હતી, જેમા સમાજે નક્કી કર્યું છે, નરેન્દ્ર મોદીના હાથ મજબૂત કરવા માટે કાઠી ક્ષત્રિય સમાજ ભાજપ સાથે ખભેથી ખેભો મિલાવીને છે. અમારો સમાજ હિન્દુત્વને વરેલો છે ત્યારે નરેન્દ્ર મોદી અને ભાજપને સંપૂર્ણ સમર્થન આપે છે.  સમાજના અગ્રણીએ કહ્યું કે, અમારા ઈષ્ટ દેવ શ્રી રામની પુન પ્રાણ પ્રતિષ્ઠા કરાઈ છે ત્યારે અમને આધ્યાત્મિક સંતોષ થયો છે. જ્યારે હવે 2024ની લોકસભાની ચૂંટણી આવે છે ત્યારે ભારતના વિકાસ માટે અમે સમર્થન આપ્યું છે.  

વાંચવા જેવું: 'પ્રાથમિક સભ્ય ન હોય તો રાજીનામુ કેવી રીતે આપે?' સોમા પટેલના રાજીનામા મુદ્દે કોંગ્રેસનો બળાપો

રૂપાલા વિવાદ શું છે  ?  
લોકસભા ચૂંટણી જાહેર થતા બાદ તમામ પાર્ટીઓ દ્વારા ઉમેદવારો જાહેર કરવામાં આવી રહ્યાં છે. રાજકોટ લોકસભા સીટ પર ભાજપ દ્વાર પરુષોતમ રૂપાલાને ઉમેદવાર તરીકે જાહેર કર્યા બાદ તેઓ દ્વારા પુર જોશમાં પ્રચાર પ્રસાર શરૂ કરી દીધો હતો. થોડા દિવસ પહેલા પરષોતમ રુપાલા દ્વારા એક સભામાં ક્ષત્રિય સમાજ પર ટિપ્પણી કરતા વિવાદ સર્જાયો હતો. ત્યારે તે વિવાદ ધીમે ધીમે વધતા ક્ષત્રિય સમાજ દ્વારા પરષોતમ રુપાલાની જગ્યાએ અન્ય કોઈ પણ ઉમેદવારની ટીકીટ આપવાની માંગ ઉચ્ચારી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો