દેશના ખૂણે ખૂણે કોરોના વેક્સિન પહોંચાડવા માટે વાયુસેનાએ કમર કસી છે. આ કામ માટે દિલ્હી અને હૈદરાબાદ એરપોર્ટને ખાસ સુવિધા સાથે સજ્જ કરવામાં આવ્યા છે, ત્યારે કોરોના વેક્સિનના ટ્રાન્સપોર્ટેશનમાં વાયુસેના મદદ કરવાની છે આ સ્પેશિયલ મિશન માટે તેણે પોતાના કાફલામાંથી કુલ 100 વિમાનોને તૈયાર કર્યા હોવાની જાણકારી મળી છે.
ભારતીય વાયુસેના બનશે વેક્સિન વાહક
કુલ 100 અલગ અલગ પ્રકારના વિમાનો તૈયાર કર્યા
અમેરિકન, રશિયન અને સ્વદેશી વિમાનો-હેલિકોપ્ટરો વપરાશે
ભારતમાં કોરોનાના કુલ કેસોનો આંક વધીને 97 લાખ નજીક પહોંચી ગયો છે, ત્યારે સૌની નજર હાલમાં વેક્સિન પર જ ટકેલી છે, ખાસ તો વડાપ્રધાન મોદીએ પોતે જ જે જાહેરાત કરી હતી તે પ્રમાણે કોરોના વેક્સિન હવે થોડા જ સમયમાં આવી જશે, અને કેન્દ્ર અને રાજ્ય સરકારો તેને લઈને વિતરણ વ્યવસ્થાને મજબૂત બનાવવામાં મચી પડયા છે. ત્યારે આ કામમાં સરકારે વાયુસેનાની મદદ લેવાનું પણ નક્કી કર્યું છે.
વાયુસેના વેક્સિન વાહક બનશે
ભારતીય વાયુસેના તેના મુદ્રા લેખ નભ: સ્પર્શમ દીપ્તમ જેવી જ ગૌરવશાળી પરમ્પરા ધરાવે છે, યુદ્ધ સમયે દેશના આકાશી સીમાડાનું રક્ષણ કરનાર વાયુસેના સમય પડ્યે કુદરતી આફતોમાં ભારતીય જનતાને બચાવવા માટે પણ હાજર થઇ જાય છે, જો કે આ વખતે ભારતની કોરોના સામેની લડાઈમાં વાયુસેના પણ એક ખૂબ જ મહત્વપૂર્ણ અધ્યાય તેની કામગીરી દ્વારા લખવા જઈ રહી છે.
દેશના ખૂણે ખૂણે કોરોના વેક્સિન પહોંચાડવા માટે વાયુસેનાએ કમર કસી છે.કોરોના વેક્સિન ના ટ્રાન્સપોર્ટેશનમાં વાયુસેના મદદ કરવાની છે આ સ્પેશિયલ મિશન માટે તેણે પોતાના કાફલામાંથી કુલ 100 વિમાનોને તૈયાર કર્યા હોવાની જાણકારી મળી છે. માહિતી પ્રમાણે આ કામ માટે તેણે ત્રણ અલગ અલગ પ્રકારના વિમાનો પસંદ કર્યા હોવાના અહેવાલ છે.
આ વિમાનોને ખાસ પસંદ કરવામાં આવ્યા છે
આ કામ માટે વાયુસેના ના મહાકાય અને ખાસ તો ટ્રાન્સપોર્ટેશનની કેટેગરી ધરાવતા વિમાનોની પસંદ કરવામાં આવી છે, માહિતી પ્રમાણે આ કામ માટે અમેરિકન બનાવટનું સી 17 ગ્લોબમાસ્ટર, સી 130 સુપર હરક્યુલિસ અને રશિયન બનાવટનું આઈ એલ 76 એટલે કે ઈલ્યુશીન 76 વિમાનને ખાસ પસંદ કરવામાં આવ્યા છે.
રશિયન બનાવટના જ એન્તોનોવ 32 AN 32, ડોર્નિયર, સ્વદેશી બનાવટના એડવાન્સ લાઇટ હેલિકોપ્ટરને પણ આ કામ માટે તૈયાર કરવામાં આવ્યા છે. આ સાથે જ હિન્દુસ્તાન એરોનોટિક્સ લિમિટેડના ચિતા અને અમેરિકન ચીનૂક હેલિકોપ્ટરની પણ મદદ લઇ શકાય છે.