પેટ્રોલ-ડીઝલના વધતા ભાવ તેમજ પર્યાવરણને લઇને આવી રહેલ જાગૃક્તા વચ્ચે ભવિષ્યના વિહિકલ તરીકે નિષ્ણાતો ઇલેક્ટ્રિક કાર કે બાઈકને શ્રેષ્ઠ વિકલ્પ માની રહ્યા છે
ઘોંઘાટ વીનાની રફ્તાર, ખિસ્સાનો બચાવશે ભાર
પેટ્રોલ-ડીઝલ સામે ઈલેક્ટ્રીસ કારને મળશે રફ્તાર
સોકોની પસંદ બની રહ્યા છે ઈલેક્ટ્રેક વાહન
પેટ્રોલ-ડીઝલના વધતા ભાવો વચ્ચે ગુજરાત સરકારે ઇલેક્ટ્રિક વાહનો માટે નવી પોલીસી જાહેર કરી છે. બીજી તરફ મોંઘવારી સામે ઈલેક્ટ્રિક વાહનોનું માર્કેટમાં આગમન લોકો માટે ચર્ચાનું માધ્યમ બન્યું છે. પેટ્રોલ-ડીઝલના ભાવ એક સરખા છે ત્યારે કાર ખરીદીમાં વધુ એક વિકલ્પ તરીકે ઇલેક્ટ્રિક કારને પણ જોવામાં આવી રહી છે. ત્યારે કેવી છે ઈલેક્ટ્રિક કાર અને શું હશે તેમાં ખાસ તમામ વિગતો જુઓ આ ખાસ રિપોર્ટમાં..
ગુજરાત સરકારે જાહેર કરી સબસીડી
આ ઇલેક્ટ્રીક વ્હીકલ પોલીસી અંતર્ગત 4 વ્હીલરમાં 1.50 લાખ, થ્રી વ્હીલરમાં 50 હજાર અને ટૂ વ્હીલરમાં 20 હજારની સબસિડી આપશે સરકાર. દેશભરમાં ગુજરાત રાજ્ય પ્રથમ છે જ્યાં ઉદાર રીતે આ નિર્ણય લેવામાં આવ્યો છે.
પેટ્રોલ-ડીઝલના વધતા ભાવ તેમજ પર્યાવરણને લઇને આવી રહેલ જાગૃક્તા વચ્ચે ભવિષ્યના વિહિકલ તરીકે નિષ્ણાતો ઇલેક્ટ્રિક કાર કે બાઈકને શ્રેષ્ઠ વિકલ્પ માની રહ્યા છે. જો કે તેનું ઇન્ફ્રાસ્ટ્રકચર હજીસુધી ભારતમાં તૈયાર નથી થયું, તેમજ એની કિંમત પણ વધારે છે. આ સિવાય ઇલેક્ટ્રિક કાર અને એના ચાર્જીંગને લઇ પણ લોકોમાં અનેક પ્રકારની માન્યતા છે. પરંતુ આ માન્યતાઓ આજે તુટી જવાની છે કારણ કે, હાલની સ્થિતિએ ઇલેક્ટ્રિક કાર પ્રતિ કિલોમીટર એક રૂપિયાના ભાવે ચાલી શકે છે. તેમજ તેને આસાનીથી ચાર્જ પણ કરી શકાય છે. પેટ્રોલ-ડીઝલ ના પ્રમાણમાં ઇલેક્ટ્રિક કર મોંઘી હોય છે. પરંતુ લાંબા ગાળાએ તેના પાયદા જ ફાયદા છે.
આપણા માટે સૌથી પહેલા એ જાણવું જરૂરી છે કે પેટ્રોલ-ડીઝલ કારના પ્રમાણમાં ઇલેક્ટ્રિક કારની કિંમત વધારે હોય છે.. પેટ્રોલની સરખામણીએ ડીઝલ કારની કિંમત ઓછામાં ઓછી 70 હજારથી લઇ 2 લાખ જેટલી મોંઘી હોય છે. જયારે ડીઝલ કાર કરતા ઈલેક્ટ્રીક કાર ૫.૫૦ લાખ જેટલી મોંઘી છે. જોકે અહીં પેટ્રેલ-ડીઝલ અને ઈલેક્ટ્રિક કારની ક્ષમતા અંગે પણ જાણવું જરૂરી છે. એવું કહી શકાય કે, પેટ્રોલ-ડીઝલ કાર કરતા ઈલેક્ટ્રીક કાર મોંઘી જરૂર છે. પરંતુ લાંબા ગાળે તેમાં ફાયદો જ ફાયદો છે.
પેટ્રોલ-ડીઝલની સરખામણીમાં ૩થી ૪ વર્ષમાં ઇલેક્ટ્રિક કારની રકમ સરભર થઇ જશે. ત્યારે આ કારને ચાર્જીંગની બે પ્રકારની વ્યવસ્થા કરવામાં આવી છે. રાજ્ય સરકાર ૫૦૦ ઇલેક્ટ્રિક કારના ફાસ્ટ ચાર્જીંગ સ્ટેશન ઉભા કરી રહી છે, ત્યાં દોઢ કલાકમાં કાર ચાર્જ થશે. જ્યારે ઘરે પણ તમે કારને ૬થી ૮ કલાકમાં ચાર્જ કરી શકશો.
સૌથી મહત્વની વાત તો એ છે કે, આખા વર્ષ દરમિયાન આ કારના મેન્ટેનન્સ માટે કોઈ ખર્ચ થતો નથી. બીજી તરફ કાર ચાલવામાં પણ સારી છે. ઇલેક્ટ્રિક કાર ચલાવવામાં જેટલી સરળ છે એટલી જ એનો વપરાશ પણ સરળ છે. ગ્રાહકોને પ્રશ્નો એના ચાર્જ કર્યા બાદ ફિક્સ કરેલ કિલોમીટર અને ચાર્જીંગ માટે લાગતા સમયનો છે. જો કે ભવિષ્યની કાર આ ઇલેક્ટ્રિક કાર જ છે. અમે સમજાવેલ ગણતરીને ધ્યાને રાખી આપ ભવિષ્યનું વિચારી ખરીદી કરોએ જરૂરી છે.