પોતાના લૂક્સ અને વીડિયોઝ અને નિવેદનોને લઇને હંમેશા ચર્ચામાં રહેનાર અર્શી સાથે એવું કંઇક થઇ ગયુ છે કે જેની તેને કલ્પના પણ નહોતી. તેનો એક ફેન આવ્યો અને બધાની સામે તેને કિસ કરીને જતો રહ્યો.
એરપોર્ટ પર થઇ આ ઘટના
આ વીડિયોમાં જે થયુ તે જોઇને અર્શી ખાન જ નહી તેના ફેન્સ પણ હેરાન થઇ ગયા છે. ગઇકાલ રાત્રે સેલિબ્રીટી ફોટોગ્રાફર વિરલ ભયાણીએ ઇન્સ્ટાગ્રામ વોલ પર એક વીડિયો શૅર કર્યો છે. જેમાં અર્શી ખાન કાળા કપડામાં નજર આવી રહી છે અને આ વીડિયોમાં તે ઘટના કેદ થઇ ગઇ છે.
સેલ્ફી લેવાના બહાને આવ્યો નજીક
વીડિયોમાં સ્પષ્ટ દેખાઇ રહ્યું છે કે અર્શી બોલી રહી છે કે આજે હું રમઝાનના હિસાબે..એટલામાં એક ફેન પાસે આવીને સેલ્ફી લેવા માંજે છે અને સેલ્ફી લઇને જતા જતા અર્શીના હાથને લઇને ચૂમીને જતો રહે છે. આ જોઇને અર્શીના ચહેરા પર શોકિંગ રિએક્શન આવે છે અને તે પેપરાઝીને કહે છે ચલો ચલો થઇ ગયુ હવે.
ફેન્સને આવ્યો ગુસ્સો
અર્શી ખાનના આ વીડિયોને થોડા જ કલાકોમાં 3 લાખથી પણ વધારે વાર જોઇ ચૂકાયો છે. આ વીડિયોને જોઇને તેના ફેન્સમાં નારાજગી પણ જોવા મળી રહી છે. કેટલાક લોકો અર્શીની સહજતાની પ્રશંસા કરતા જોવા મળી રહ્યા છે તો કેટલાક આ વસ્તુને પોલીસમાં રિપોર્ટ કરવાની પણ સલાહ આપી રહ્યાં છે.