એક્ટર્સ એક્સ્ટ્રા કમાણી કરવા માટે બીજા બિઝનેસ પણ કરતા હોય છે પરંતુ આ એક્ટરે તો નકલી નોટ છાપવાનુ જ ચાલુ કરી દીધુ હતુ.
વધુ કમાણીની લાલચે કર્યો ગુનો
દિલ્હી પોલીસે ધકેલ્યો જેલમાં
નકલી નોટ છાપીને કરતો છેતરપિંડી
ભોજપુરી ઇંડસ્ટ્રીમાંથી ચકચાર મચાવે તેવી ખબર સામે આવી છે. ફેમસ એક્ટર મોહમ્મદ શાહિદ ઉર્ફે રાજા અને તેના મિત્ર સૈયદ જેન હુસેનને દિલ્હી પોલીસે નકલી નોટ છાપવાના ગુનામાં ધરપકડ કરી છે. તે હરિ નગર આશ્રમમાં એક પ્રોડક્શન સ્ટુડિયો ચલાવે છે અને પોલીસે તેમની પાસેથી 50 લાખ રૂપિયા અને બે ચોરીની બાઇક જપ્ત કરી છે.
પોલીસે કહ્યું કે બંનેને રેન્ડમ ચેકિંગ દરમિયાન જ પકડવામાં આવ્યા છે. તેમના બેગમાંથી નોટના 200 નકલી બંડલ જપ્ત કરવામાં આવ્યા છે. 2000,500,200,100,50ની નકલી નોટો જપ્ત કરી છે. તપાસ દરમિયાન શાહીદે કહ્યું કે તે દિલ્હીના હરિ નગર આશ્રમમાં જ સાહિલ સન્ની નામથી પ્રોડક્શન ફિલ્મ સ્ટુડિયો ચલાવી રહ્યો હતો. તેણે એક ભોજપુરી ફિલ્મ ઇલાહાબાદ ટુ ઇસ્લામાબાદમાં પણ કામ કર્યુ હતુ. તે ઘણા આલ્બમમાં પણ જોવા મળ્યો છે.
રિપોર્ટમાં સામે આવ્યુ છે કે આ લોકો એક અસલી નોટના બદલામાં ત્રણ નકલી નોટ આપતા હતા. નકલી નોટ લીધા બાદ તેનો ઉપયોગ બજારમાં કરી શકાય છે. શાહીદ પહેલા પણ છેતરપિંડી, સ્નેચિંગ અને આર્મ્સ એક્ટ હેઠળ પોલીસ ચોપડે ચડી ચૂક્યો છે. કોરોનામાં થયેલ લૉકડાઉનના કારણે ઘણુ નુકસાન થયુ હતુ અને તેની ભરપાઇ કરવા માટે નકલી નોટોનો ધંધો ચાલુ કર્યાનુ સામે આવ્યુ છે.