વૉર્નિંગ / એક્ટરે કરી કુંભમેળા પર ટ્વિટ તો મળી જાનથી મારી નાંખવાની ધમકી લખ્યું, હાલ ડિલીટ કર નહીતર...

• કરન વાહીને મળી મોતની ધમકી 
• કુંભમેળા વિશે કરી હતી પોસ્ટ 
• યુઝર્સ કરણ વાહી પર ભડક્યા 

કરણ વાહીએ કુંભમેળા અને નાગા સાધુઓ પર એક પોસ્ટ કરી હતી. જે પોસ્ટ હવે તેના પર ભારે પડી રહી છે. આ પોસ્ટના કારણે તેને જાનથી મારી નાંખવાની ધમકી મળી રહી છે અને નફરતવાળા મેસેજ પણ મળી રહ્યાં છે. જેની જાણકારી કરણ વાહીએ જ આપી છે. 

કરણે શું કરી હતી પોસ્ટ 
એક્ટરે કોરોના મહામારી વચ્ચે હરિદ્વારમાં શાહી સ્નાન માટે નાગા બાબાઓને લઇને એક પોસ્ટ મુકી હતી. જેને ઇન્સ્ટાગ્રામ પર શૅર કરવામાં આવી હતી. તેમાં લખ્યુ હતુ કે શું નાગા બાબાઓ માટે વર્ક ફ્રોમ હોમ જેવું કોઇ કલ્ચર નથી, જેનાથી ગંગાજળ લાવીને ઘરે જ સ્નાન કરી શકાય?

આ પોસ્ટ બાદથી જ લોકોએ તેને નિશાના પર લીધો અને ટ્રોલ કરવાનું શરૂ કર્યુ હતુ. લોકોએ ખુબ ગંદા અને ધમકીભર્યા મેસેજ તેને કર્યા હતા અને તેના સ્ક્રિનશોટ કરન વાહીએ પોતાના ઇન્સ્ટાગ્રામ પર પણ શૅર કર્યા હતા. 

ઇન્સ્ટા પર લખી આ વાત 
એક્ટરે પોતાના ઇન્સ્ટાગ્રામ પર આ વાત લખી અને કહ્યું કે, મને નફરતભર્યા અને એબ્યુઝીવ મેસેજ આવી રહ્યા છે. વાહ ભારતના લોકો. જો એક હિન્દુ હોવાનો મતલબ કોવિડ પ્રોટોકોલ ફોલો ન કરવુ છે તો ઘણા લોકોને આ વાંચવાની જરૂર છે કે હિન્દુ હોવુ શું છે. 

હરિદ્વારમાં ચાલી રહેલા કુંભમેળામાં કોરોનાનો કહેર ઉમટ્યો છે અને ત્યાં 102 તિર્થયાત્રીઓ સિવાય 20 સાધુઓને પણ કોરોના પોઝીટીવ આવ્યો છે. 

રામ ગોપાલ વર્માએ પણ કરી ટ્વિટ 

કુંભમેળાની તસવીર પોસ્ટ કરીને લખ્યું કે, જે તમને દેખાઇ રહ્યું છે તે કુંભનો મેળો નથી પરંતુ એટમ બોમ્બ છે. મને આશ્ચર્ય થાય છે કે આના માટે જવાબદાર કોણ રહેશે. 

તે પહેલા પણ રામ ગોપાલ વર્માએ ટ્વિટ કરતા લખ્યુ હતુ કે, અભિનંદન ભારત, લોકડાઉનને એક નવું નામ મળ્યુ છે. બ્રેક ધ ચેઇન. દરેકને આ નામકરણમાં આવવાનુ આમંત્રણ છે તે પણ એક વોર્નિંગ સાથે કે, કુંભમેળામાંથી આવનાર લોકો માટે માસ્ક ફરજીયાત નથી કારણકે તે ગંગામાં પવિત્ર થઇને વાયરસ ધોઇને આવ્યા છે. 

અન્ય એક ટ્વિટમાં ગયા વર્ષે થયેલ ઘટનાનું ઉદાહરણ આપતા રામ ગોપાલ વર્માએ લખ્યું કે, માર્ચ 2020માં દિલ્હીમાં ભેગી થયેલ જમાત તો એક શોર્ટ ફિલ્મ હતી. કુંભમેળો તો બાહુબલી છે. બધા હિન્દુઓએ મુસ્લિમની માફી માંગવી જોઇએ. તે લોકોએ જ્યારે કર્યુ હતુ ત્યારે તેમને જાણકારી નહોતી, આપણે એક વર્ષ બાદ કર્યુ જ્યારે આપણને બધી જાણકારી હતી.