સાઉથની ફિલ્મોના સુપરસ્ટાર વિજય થલાપતિને લઇને એક ચોંકાવનારા સમાચાર સામે આવ્યા છે. તેણે પોતાના જ પેરેન્ટ્સ વિરુદ્ધ કેસ નોંધાવ્યો છે.
વિજય થલાપતિએ પેરેન્ટ્સ વિરુદ્ધ કર્યો કેસ
પોતાના જ માતા-પિતા વિરુદ્ધ નોંધાવી ફરિયાદ
ફેન્સને પણ આ કામ ન કરવા કરી અપીલ
માતા પિતા વિરુદ્ધ નોંધાવ્યો કેસ
વિજયે પોતાના જ માતા પિતા વિરુદ્ધ કેસ નોંધાવ્યો છે. માત્ર એટલું જ નહી અન્ય 11 લોકો વિરુદ્ધ પણ ફરિયાદ કરી છે. મીડિયા રિપોર્ટ્સનું જો માનીએ તો તેના પિતા SK ચંદ્રશેખરે થોડા સમય પહેલા એક પોલીટીકલ પાર્ટી શરૂ કરી હતી. આ પાર્ટીનું નામ ઓલ ઇન્ડિયા થલાપતિ વિજય મક્કલ ઇયક્કમ રાખવામાં આવ્યું હતું. વિજયે નિવેદનમાં કહ્યું કે, આ પાર્ટી સાથે તેનું કોઇ કનેક્શન નહોતું.
મારું કોઇ કનેક્શન નહી : વિજય
રિપોર્ટ્સનું જો માનીએ તો આ પાર્ટીના સેક્રેટરી વિજયના પિતા છે અને માતા શોભા ચંદ્રશેખર ટ્રેજરર છે. થોડા સમય પહેલા વિજયે કહ્યું હતું કે, આ પાર્ટી સાથે તેનું કોઇ કનેક્શન નથી. પિતાની રાજનીતિની ઇચ્છાઓને નિભાવવા માટે હું બાધ્ય નથી. હું ફેન્સને અપીલ કરું છું કે તે મારા પિતાની પાર્ટીમાં ન જોડાય. જો કોઇ મારું નામ કે મારી તસવીર કે ફેન ક્લબનો દુરુપયોગ કકરશે તો તેમના વિરુદ્ધ હું જરૂરી પગલા લઇશ.
65મી ફિલ્મને લઇને ચર્ચામાં
વિજય હાલમાં પોતાની 65મી ફિલ્મને લઇને ચર્ચામાં છે. વિજયે પોતાના જન્મ દિવસ પહેલા ફેન્સને ટ્રીટ આપતા અપકમિંગ ફિલ્મનું ટાઇટલ શૅર કર્યું છે. સાથે જ તેનો ફર્સ્ટ લૂક પણ સામે આવ્યો છે. મેકર્સે ફિલ્મને બિસ્ટ નામ આપ્યું છે. સન પિક્ચર્સ દ્વારા બનાવવામાં આવી રહેલી આ ફિલ્મમાં વિજય સાથે પૂજા હેગડે પણ છે. તમને જણાવી દઇએ કે વિજય છેલ્લીવાર માસ્ટર ફિલ્મમાં નજર આવ્યા હતતા. તેણે બોક્સ ઓફિસના ઘણા રેકોર્ડ તોડી નાંખ્યા હતા.