ભારતમાં કોરોનાની બીજી લહેરનો કહેર જોવા મળી રહ્યો છે. દેશભરમાં લાખો લોકો સંક્રમિત થઇ રહ્યા છે ત્યારે મનોરંજન ઉદ્યોગમાંથી લોકો જાગૃતતા ફેલાય તેવા કામ કરી રહ્યાં છે.
સોનૂ સૂદ લાખો લોકોની મદદ કરી રહ્યો છે તો અક્ષય કુમારે પણ પૈસા દાન કરીને ઓક્સિજન સિલિન્ડર લાવવામાં મદદ કરી છે. અજય દેવગને કોરોના સેન્ટર ઉભુ કરવામાં મદદ કરી છે ત્યારે એક એક્ટર છે જે એમ્બ્યુલન્સ ડ્રાઇવર બની ગયો છે.
એમ્બ્યુલન્સ ડ્રાઇવર બન્યો સાઉથ સ્ટાર
હવે કન્નડ એક્ટર અર્જુન ગૌડા લોકોની મદદ માટે એમ્બ્યુલન્સ ડ્રાઇવર બની ગયા છે. સાઉથની ફિલ્મ યુવરત્ના અને રુસ્તમમાં કામ કરી ચૂકેલ અર્જુન જરૂરીયાતમંદ લોકોને પ્રોજેક્ટ સ્માઇલ ટ્રસ્ટ અંતર્ગત મદદ પહોંચાડી રહ્યાં છે. અર્જુને જણાવ્યું કે તે લોકોને હોસ્પિટલ લઇ જવાથી લઇને કોરોનાથી મોત થાય તો સ્મશાન લઇ જઇને અંતિમસંસ્કારમાં મદદ કરે છે.
જરૂરિયાતમંદ લોકોની મદદનો છે હેતુ
વિપદાની આ ઘડીમાં અર્જુને કહ્યું કે, છેલ્લા કેટલાક દિવસોમાં અડધો ડઝન કોરોના સંક્રમિત લોકોનો અંતિમ સંસ્કાર કરાવ્યો છે. અમે ઇચ્છીએ છીએ કે જેને મદદની જરૂર છે તેમને મદદ કરવામાં આવે. તે વાતથી કોઇ ફર્ક નથી પડતો કે તે વ્યક્તિ ક્યાંથી આવે છે અને ક્યા ધર્મનો છે પરંતુ જેને જરૂર છે તેને મદદ કરવાની સંભવ કોશીશ કરવામાં આવી રહી છે. હું તેના માટે શહેરમાં યાત્રા કરવા પણ તૈયાર છું.
અર્જુને વધુમાં કહ્યું કે હાલમાં જ એક જરૂરિયાતમંદ વ્યક્તિને કેન્ગેરીથી ઘણે દુર વ્હાઇટફીલ્ડ હોસ્પિટલ પહોંચાડીને આવ્યો હતો. હું આવનારા સમયમાં પણ લોકોને આવી મદદ આપતો રહીશે. પરિસ્થિતિ ખરાબ છે અને હું આ મહામારીમાં યોગદાન આપીશ. તે લોકોને ઓક્સિજન પણ ડિલીવર કરી રહ્યો છે.