બાપુનગરના હિરાવાડીમાં આવેલી રઘૂનાથ સ્કૂલના શાળા સંચાલકે શિક્ષિકાઓને અપશબ્દો કહ્યા એટલું જ નહી સવારે શિક્ષિકાઓ સાથે ગેરવર્તન પણ કર્યું સમગ્ર મામલો સોશિયલ મીડિયામાં વાયરલ
બાપુનગરમાં રઘુનાથ સ્કૂલ સંચાલકે નશાની હાલતમાં કર્યો હોબાળો
શિક્ષિકાઓ સાથે ગેરવર્તન કરી અપશબ્દો કહેતા મામલો ગરમાયો
શિક્ષિકાઓએ સંચાલક વિરુદ્ધ પોલીસ મથકે કરી ફરિયાદ
અમદાવાદના બાપુનગરમાં આવેલી રઘુનાથ શાળા સંચાલકનો એક વીડિયો વાયરલ થયો છે. જેમાં શાળા સંચાલક દારૂના નશામાં ધૂત હોય તેવું જોવા મળી રહ્યું છે. હિરાવાડી ખાતે આવેલી રઘૂનાથ સ્કૂલના શાળા સંચાલકે શિક્ષિકાઓને અપશબ્દો કહ્યા એટલું જ નહી સવારે શિક્ષિકાઓ સાથે ગેરવર્તન પણ કર્યું હતું જેને લઈને શિક્ષકો અને શિક્ષિકાઓમાં શાળા સંચાલકો સામે રોષ જોવા મળ્યા હતો.
શાળા સંચાલકોની કરતૂત કેમેરામાં કેદ થઈ
શિક્ષિકાઓએ આક્ષેપ કરતા કહ્યું હતું કે અગાઉ પણ શાળા સંચાલક આવું વર્તન કરી ચુક્યો છે. શાળા સંચાલક ગેરવર્તન કરતો હોય તેનો સંમગ્ર વીડિયો સોશિયલ મીડિયામાં વાયરલ થયો હતો જેમાં શિક્ષિકાઓ સાથે ગેરવર્તન કરવામાં આવતું હોય તેવું પણ જોવા મળી રહ્યું છે. શાળા સંચાલકના આવા બેહુદા વર્તનને લઈ શિક્ષકો અને શિક્ષિકાઓમાં રોષ જોવા મળી રહ્યો છે તેમણે શાળા સંચાલક સામે પોલીસમાં ફરિયાદ કરી છે અને પોલીસ પ્રોહિબિશનના ગુન્હા હેઠળ કાર્યવાહી કરે તેવી માંગ કરી છે.
સમગ્ર મામલે પોલીસમાં ફરિયાદ નોંધાઈ
હિરાવાડીમાં આવેલી રઘૂનાથ સ્કૂલના શાળા સંચાલકનો સમગ્ર કિસ્સો સોશિયલ મીડિયામાં વાયરલ થયો છે, ત્યારે અનેક સવાલો ઉઠી રહ્યા છે જો શાળાનો સંચાલક પોતે દારૂના નશામાં ધૂત રહેતો હોય તો બાળકોના ભવિષ્યનું શું થશે ? શાળાનો સંચાલક નશોકરીને શાળાએ આવતો હોય તો વિદ્યાર્થીઓની સુરક્ષાનું શુ થશે ? શાળામાંથી આવા સંસ્કાર લેશે વિદ્યાર્થીઓ ? પોતાની સ્કૂલ હોય એટલે શાળા સંચાલકે મનફાવે તેમ કરવાનું શાળા પ્રત્યે કોઈ જવાબદારી છે કે નહી ? હાલ તો પોલીસે સમગ્ર મામલે પોલીસે શિક્ષિકાઓની ફરિયાદને આધારે શાળા સંચાલક સામે આગળની કાર્યવાહી હાથ ધરી છે.