વેરાવળમાં સરાજાહેર ફાયરિંગ કરી યુવકને મોતને ઘાટ ઉતારી નાશી છુટેલ હત્યારા આરોપીને પોલીસે હરિદ્વારથી દબોચી લીધો છે. સરાજાહેર ફાયરીંગની ઘટનામાં ચોંકાવનારો ખુલાસો સામે આવ્યો છે
વેરાવળનો હત્યાનો આરોપી હરિદ્વારથી ઝડપાયો
સરાજાહેર ફાયરિંગ કરી યુવકને મોતને ઘાટ ઉતાર્યો હતો
પોલીસ દ્વારા હરિદ્વાર પોલીસની મદદથી આરોપીને દબોચ્યો
વેરાવળમાં સરાજાહેર ફાયરિંગ કરી યુવકને મોતને ઘાટ ઉતારી નાશી છુટેલ હત્યારા યુવકને પોલીસે હરિદ્વારથી દબોચી લીધો છે. સરાજાહેર ફાયરીંગની ઘટનામાં ચોંકાવનારો ખુલાસો સામે આવ્યો છે, મૃતક અને તેનો ભાઈ આરોપીને ધંધામાં સેટ ન થવા દેતા હોવાથી કંટાળી જઈ હત્યા કરી હોવાનું સામે આવ્યુ છે.
વેરાવળનો હત્યાનો આરોપી હરિદ્વારથી ઝડપાયો
આરોપીના રડારમાં મૃતક ઉપરાંત વધુ ત્રણ શખ્સો હોય જેઓની હત્યા કરવાની ફિરાકમાં હોવાની પણ ચર્ચા છે. આરોપી માલભાડુ કરવા ઉત્તરપ્રદેશ ગયેલ ત્યારે ત્યાંથી રૂ.50 હજારમાં હથિયાર અને પાંચ કાર્ટુસ લઈ આવેલ હોવાનું સામે આવ્યુ છે. વેરાવળ શહેરમાં ભરચક બસ સ્ટેન્ડ વિસ્તારમાં સરાજાહેર ફાયરિંગ કરી નિતેશ સરમણ કટારીયા નામના યુવકને રમેશ ઉર્ફે ગોવાળિયો અરજણ ચાવડા નામના યુવકે પિસ્તોલ વડે ફાયરિંગ કરી મોતને ઘાટ ઉતારી નાશી છૂટ્યો હતો.
સરાજાહેર ફાયરિંગ કરી યુવકને મોતને ઘાટ ઉતાર્યો હતો
ઘટના ના પગલે શહેર ભર માં ચકચાર સાથે અરેરાટી પ્રસરી ગઈ હતી તો બીજી તરફ હત્યા કરી આરોપી યુવક નાશી છૂટતા પોલીસ ચક્રોગતિમાન કર્યો હતા. જિલ્લા પોલીસ વડાના માર્ગદર્શન હેઠળ જિલ્લા LCB અને SOG સહિત વેરાવળ સિટી પોલીસની સર્વેલન્સ ટીમ દ્વારા આરોપીને ઝડપી લેવા શોધખોળ હાથ ધરી હતી અને સપ્તાહ બાદ બાતમી મળી હતી કે આરોપી હરિદ્વારમાં છુપાયો છે જેથી પોલીસ દ્વારા હરિદ્વાર પોલીસની મદદથી આરોપીને દબોચી લઈ વેરાવળ લાવવામાં આવ્યો હતો.
પોલીસ દ્વારા હરિદ્વાર પોલીસની મદદથી આરોપીને દબોચ્યો
આરોપી યુવક રમેશે પ્રાથમિક પૂછપરછમાં અનેક ઘટસ્ફોટ કર્યા હતા અને મૃતક અને તેનો ભાઈ આરોપીને ધંધામાં સેટ ન થવા દેતા હોવાથી કંટાળી જઈ હત્યા કરી હોવાનું સામે આવ્યુ છે. આરોપી રમેશ ગત સપ્ટેમ્બર માસમાં પોતાની બોલેરો પિકઅપ વાનમાં માલભાડુ કરવા ઉત્તરપ્રદેશ ગયેલ ત્યારે ત્યાંથી રૂ.50 હજારમાં હથીયાર અને પાંચ કાર્ટુસ લઈ આવેલ હોવાનું સામે આવ્યુ છે. આરોપીના રડારમાં મૃતક ઉપરાંત વધુ ત્રણ શખ્સો હોય જેઓની હત્યા કરવાની ફિરાકમાં હોવાની ચર્ચા સામે આવી છે. હાલ તો પોલીસે આરોપીને રિમાન્ડની માંગ સાથે કોર્ટમાં રજૂ કરવામાં આવ્યો છે.