પહેલી નજરમાં પ્રેમ થયો હોય તે કોઇ ભૂલી ન શકે અને વર્ષો બાદ પાછો મળે એવો સીન સિલ્વર સ્ક્રીન પર જ જોવા મળે છે પરંતુ હકીકતમાં આવો કિસ્સો સામે આવ્યો છે.
ઓસ્ટ્રેલિયાની છોકરી સાથે થયો હતો પ્રેમ
પૈસા ઉધાર લઇને મેલબર્ન પણ ગયા હતા
50 વર્ષ બાદ આવ્યો ઓસ્ટ્રેલિયાથી પત્ર
82 વર્ષના ચોકીદારનો પ્રેમ
82 વર્ષીય ચોકીદારને પોતાનો 50 વર્ષ જૂનો પ્રેમ મળી ગયો છે. 70ના દશકમાં જેસલમેર ફરવા આવેલી ઓસ્ટ્રેલિયાની એક યુવતી મરીના તેને આઇ લવ યુ કહીને તેના દેશ જતી રહી હતી. હવે તેણે પત્ર લખીને ચોકીદારને મળવાની ઇચ્છા જાહેર કરી છે.
રસપ્રદ છે કે મરીનાએ આજ સુધી લગ્ન નથી કર્યા. હ્યુમન્સ ઓફ બોમ્બેના ફેસબૂક પેજ પર ચોકીદારે સંપૂર્ણ કિસ્સો કહ્યો છે. મરીનાને પહેલી વાર મળી ત્યારે 30 વર્ષનો હતો. તે રણમાં સફારી માટે આવી હતી અને પાંચ દિવસની યાત્રામાં ઉંટની સવારી શીખવાડી હતી અને તેમાં જ એકબીજાને પ્રેમ કરવા લાગ્યા હતા.
ચોકીદારના કહ્યાં અનુસાર મરીને જતા જતા તેને આઇ લવ યુ કહીને ગઇ હતી. આ સાંભળીને હું શરમાઇ ગયો હતો અને પોતાની ભાવનાઓનો ઇજહાર કરી શક્યો નહી. મરીનાને મળવા માટે તે 30 હજાર રૂપિયા ઉધાર લઇને મેલબર્ન પણ ગયા હતા પણ તે ઇચ્છતી હતી કે ચોકીદાર ત્યાં જ વસી જાય પરંતુ તેને એ મંજૂર નહોતું. સંબંધ ત્યાં જ પૂર્ણ થઇ ગયો અને ભારત આવીને ઘર માંડી લીધુ હતુ.
ચોકીદારને એક મહિના પહેલા જ મરીનાનો પત્ર મળ્યો અને તેની ખુશીનુ કોઇ ઠેકાણુ ન રહ્યું તેણે પત્ર વાંચ્યો અને કહ્યું રામજીની કસમ મને લાગ્યુ કે હું 21 વર્ષનો થઇ ગયો છું. તેના બે દિકરા છે જેમના લગ્ન થઇ ગયા છે અને પત્નીનુ દેહાંત થઇ ગયુ છે.