કામની વાત / ઓછા પગારે કરોડપતિ બનાવશે 50:30:20ની ફોર્મ્યુલા, બસ આવી રીતે કરો રોકાણ

આજના આ જમાનામાં તમે પ્રાઇવેટ નોકરી કરી રહ્યા હોવ તો પોતાના ભવિષ્ય વિશે આર્થિક રીતે સજાગ રહેવું જોઈએ. જેમાં બચત કરવી ખૂબ જરૂરી છે. નહીં તો ભવિષ્યમાં તકલીફ પડી શકે છે. અત્યારના મોંઘવારીના જમાના સેવિંગ કરવું ખૂબ કઠિન બની ગયું છે. પરંતુ અમે તમને સેવિંગના એક એવા ફોર્મ્યુલા વિશે જણાવીશું જેને અપનાવી તમે બચત કરીને અમીર પણ બની શકો છો.

આ ફોર્મ્યુલાને 50:30:20 કહેવાય છે. જેમાં તમારી આવકને ત્રણ ભાગમાં વહેંચવાની હોય છે. જેમાં તમે નોકરી કે વ્યાપાર કરી રહ્યા હોવ તો પણ આ ફોર્મ્યુલા અપનાવી સેવિંગ કરી શકો છો. ચાલો જાણીએ આ ફોર્મ્યુલા વિશે. જો તમારો પગાર મહિનાનો 50,000 રૂપિયા છે પરંતુ તમે પૈસા કેવી રીતે બચાવવા તે સમજાતું ન હોય તો 50:30:20 ફોર્મ્યુલા  અપનાવી જરૂરી છે.

• આવકને વહેંચો ત્રણ ભાગમાં

50%+30%+20% ફોર્મ્યુલા એટલે કે તમારી આવકને ત્રણ ભાગમાં વહેંચવી. જેમાં 50 ટકા હિસ્સો કરિયાણા, શિક્ષણ સહિતની જરૂરી જરૂરિયાતો પર ખર્ચ કરવો. જેમાં તમે મકાન ભાડા કે હોમ લોનને તેમાં સમાવેશ કરી શકો છો. એકંદરે તમારી માસિક આવકનો અડધો ભાગ આ કામ માટે ફાળવો.

• અહીંયા 30 ટકા કરો ખર્ચ
  આ ફોર્મ્યુલા હેઠળ તમારી આવકનો 30 ટકા એવી વસ્તુઓ પર ખર્ચ કરો જે તમારી ઇચ્છાઓ સાથે જોડાયેલ હોય. તેમાં તમે બહાર ફરવા જવુ, મૂવી જોવા, ગેજેટ્સ, કપડાં, કાર, બાઇક અને મેડિકલ જેવા ખર્ચ કરી શકો છો. દર મહિને 50 હજાર રૂપિયા કમાતા વ્યક્તિને આ વસ્તુઓ પર વધુમાં વધુ 15 હજાર રૂપિયા ખર્ચવા જોઈએ.

વધુ વાંચો : ધનવાન થવું છે? તો આજથી અપનાવી લો આ 7 નિયમ, નહીં પડે ક્યારેય આર્થિક તંગી

• 20 ટકા બચાવો
  50:30:20ની ફોર્મ્યુલા કહે છે કે બાકીના 20 ટકાનું સેવિંગ કરવું જોઈએ. તેને યોગ્ય જગ્યાએ રોકાણ કરવું જોઈએ. એટલે કે 50 હજાર રૂપિયાનો પગાર ધરાવનાર વ્યક્તિએ 10 હજાર રૂપિયાનું રોકાણ કરવું. તેના માટે મ્યુચ્યુઅલ ફંડમાં દર મહિને SIP અને બોન્ડમાં પણ રોકાણ કરી શકો છો. આ ફોર્મ્યુલા હેઠળ 50 હજાર રૂપિયાની કમાણી કરનાર વ્યક્તિ દર વર્ષે ઓછામાં ઓછા 1.20 લાખ રૂપિયાની બચત કરી શકશે. જો તમે તેને યોગ્ય જગ્યાએ રોકાણ કરો છો તો તે વર્ષ-દર વર્ષે વધશે અને વ્યાજ સાથે મોટું ફંડ એકઠું થશે.
• રિટાયરમેન્ટ ફંડ વિશે નહીં પડે વિચારવું

જેમ જેમ તમારી આવક વધશે તેમ રોકાણની રકમ પણ વધશે. સતત 10 વર્ષ સુધી આ ફોર્મ્યુલા અનુસાર ખર્ચ અને બચત કર્યા બાદ તમને ક્યારેય પૈસાની તંગીનો સામનો નહીં કરવો પડે. કેમ કે આ રીતે બચાવેલા પૈસા એક મોટું ફંડ બનશે. જે તમને મુશ્કેલીના સમયે સાથ આપશે. આ સિવાય જો તમે 20 - 25 વર્ષ સુધી આ રીતે 20 ટકા રકમ બચાવતા રહેશો તો તમારે રિટાયરમેન્ટ ફંડ વિશે પણ નહીં વિચારવું પડે.

• ઉદાહરણથી સમજીએ
  10 હજાર રૂપિયાની માસિક SIP પર 12% વાર્ષિક વળતરના આધારે તમને 10 વર્ષ બાદ કુલ 23,23,391 રૂપિયા મળશે. જો તમે 20 વર્ષ સુધી 10,000 રૂપિયાની SIP ચાલુ રાખો છો તો 12% વળતરના દરે તમને કુલ 99,91,479 રૂપિયા મળશે. જો રિટર્ન 15 ટકા હોય તો તમને કુલ 1,51,59,550 રૂપિયા મળશે.

જો તમે 60 વર્ષની ઉંમર સુધી રોકાણ કરો છો તો તમારી પાસે એટલી મોટી રકમ ભેગી થશે જેની તમે કલ્પના પણ નહીં કરી હોય. પરંતુ આ સપનું ત્યારે જ પૂરું થાય જ્યારે તમે 50:30:20 ફોર્મ્યુલાને મજબૂતીથી અનુસરો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ