મોટો નિર્ણય / 250 વર્ષ જુનો અંગ્રેજોનો આ કાયદો બદલી નાખ્યો મોદી સરકારે, બદલવાની જરુર શું કામ પડી જાણી લેજો

• 250 વર્ષ બાદ મોદી સરકારે ડિફેન્સ લેન્ડ પોલિસીમાં મોટો ફેરફાર કર્યો
• સેનાની જમીન જાહેર પ્રોજેક્ટ યોજના માટે ખરીદી શકાશે
• અત્યાર સુધી સેનાની જમીન વાપરવા પર હતો પ્રતિબંધ
• અંગ્રેજોએ 1765 માં સેનાની જમીન પર કર્યો હતો કાયદો
• સેનાની જમીન બીજા કોઈ કામમાં ન લઈ શકાય તેવો હતો કાયદો
• મોદી સરકારે હવે કાયદામાં કર્યો સુધારો સેનાની જમીન પર બીજું પણ કામ થઈ શકશે 

આ પોલિસી હેઠળ જાહેર પ્રોજેક્ટ માટે સેના પાસેથી જમીન ખરીદી શકાશે, તેના બદલામાં સેનાને તેની પાસેથી લેવામાં આવેલી જમીનનો બજાર ભાવ અથવા તો એટલી જ રકમના ઈન્ફ્રાસ્ટ્રકચર ડેવલપમેન્ટની મંજૂરી મળશે. એટલે કે ડિફેન્સ સાથે જોડાયેલી જમીનને એટલી જ રકમની જમીન આપવાના બદલે અથવા બજાર ભાવ પ્રમાણે ચૂકવણી પર લેવામાં આવશે.

1765 પછી પહેલી વાર ડિફેન્સ લેન્ડ પોલિસીમાં ફેરફાર કરાઈ રહ્યો છે 

1765 પછી પહેલી વાર ડિફેન્સ લેન્ડ પોલિસીમાં ફેરફાર કરાઈ રહ્યો છે. તે વખતે બ્રિટીશ જમાનામાં બંગાળના બેરકપુરમાં પહેલી કેન્ટોનમેન્ટ છાવણી બનાવાઈ હતી. ત્યારે સેનાની જમીનને સેનાના કામ સિવાયના બીજા કામ માટે જમીન વેચાણ પર પ્રતિબંધ મૂકાયો હતો. જોકે પછીથી 1801 માં ઈસ્ટ ઈન્ડીયા કંપનીના ગર્વનર જનરલ ઈન કાઉન્સિલે આદેશ આપ્યો હતો કે કોઈ પણ કેન્ટોનમેન્ટનો કોઈ પણ બંગલો અને ક્વોર્ટર કોઈ એવા વ્યક્તિને વેચવાની મંજૂરી નહીં હોય જે સેના સાથે ન જોડાયેલા હોય. 

કેન્ટોનમેન્ટ ઝોનનો પણ વિકાસ માટે નિર્ણય લેવાયો 

પરંતુ હવે મોદી સરકારે કેન્ટોનમેન્ટ બીલ 2020 માં સુધારો કરવાનું શરુ કરી દીધું છે જેથી કરીને કેન્ટોનમેન્ટ ઝોનનો પણ વિકાસ થઈ શકે. મીડિયા રિપોર્ટ અનુસાર રક્ષા મંત્રાલયના અધિકારીઓનું કહેવું છે કે મેટ્રોની બિલ્ડિંગ, રસ્તાઓ, રેલવે તથા ફ્લાઓવર જેવા મોટા જાહેર પ્રોજેક્ટ માટે સેનાની જમીનની જરુર છે.