અરેરે! / ગર્લફ્રેન્ડે ફોન ન ઉઠાવ્યો તો 24 વર્ષીય યુવકે ભર્યું અંતિમ પગલું, મોડી રાતે કરી હતી પાર્ટી, જાણો આખો કેસ 

• ગર્લફ્રેન્ડે ફોન ન ઉપાડ્યો તો યુવકે કરી આત્મહત્યા
• મોડી રાત સુધી પાર્ટી કરીને ઘરે પરત ફર્યા હતા
• વારંવાર ફોન કરવા પર ન રિસીવ કરતાં કરી આત્મહત્યા

કોણ હતો મૃતક?

મૃતકની ઓળખ માનવ લાલવાણી તરીકે થઈ છે. સ્થાનિક પોલીસે ઘટના અંગે માહિતી આપી છે. ટ્રોમ્બે પોલીસ સ્ટેશનના વરિષ્ઠ અધિકારી સિદ્ધેશ્વર ગોવે મીડિયાને જણાવ્યું કે પીડિત અને તેની મહિલા મિત્ર મિત્રો સાથે મોડી રાત્રે પાર્ટીમાં સામેલ થયા હતા.

મોડી રાત સુધી કરી હતી પાર્ટી

પોલીસ અધિકારીએ કહ્યું, "પાર્ટી પૂરી થયા પછી ઘરે પહોંચતા, તેણે ગર્લફ્રેન્ડનો ફોન પર સંપર્ક કરવાનો પ્રયાસ કર્યો. જો કે, તેણે ફોન ઉપાડ્યો નહીં. તેણીનો વારંવાર સંપર્ક કરવામાં નિષ્ફળતા મળી તો તેણે ફાંસી લગાવીને આત્મહત્યા કરી લીધી."

માતા પિતાએ સવારે લટકતો જોયો

મંગળવારે સવારે તેના માતા-પિતાએ તેને છત પર લટકતો જોયો અને પોલીસને જાણ કરી. પીડિતાના મૃતદેહને પોસ્ટમોર્ટમ માટે મોકલી આપવામાં આવ્યો છે.

આત્મહત્યાનો કેસ નોંધવામાં આવ્યો

વધુ તપાસ માટે સીસીટીવી ફૂટેજની તપાસ કરવામાં આવી રહી છે. કેસ નોંધવામાં આવ્યો છે અને યુવતીનું નિવેદન નોંધવામાં આવ્યું છે.