કંટાળ્યા હવે તો / 4 વર્ષથી કામ ચાલુ છે..! ખાડા ખોદવામાં માહેર જૂનાગઢ મનપા કામ ક્યારે પૂર્ણ કરશે? પ્રિ-મોન્સૂનની તો વાત જ નહીં

• જૂનગાઢમાં પ્રિ-મોન્સૂન કામગીરી પર સવાલ
• મનપાએ શહેરમાં ઠેર-ઠેર ખોદ્યા છે ખાડા 
• 4 વર્ષથી ભૂગર્ભ ગટરની કામગીરી ચાલુ

કેરળમાં ચોમાસું બેસી ગયું છે અને ગુજરામાં પણ ટુંક સમયમાં બેસી જશે. બીજી તરફ મહાનગરોમાં પ્રિ-મોન્સૂનની કામગીરી કાગળ પર જ છે. જૂનગાઢના મધુરમ વિસ્તારથી વિશ્વકર્મા સોસાયટી સુધીના 2 કિલોમીટરના રસ્તા બિષ્માર હાલકમાં છે. અહીં 1 કરોડના ખર્ચે પેવર બ્લોક નંખાશે અને આ માટે ખોદકામ થઈ રહ્યું છે. પરંતુ કામ ક્યારે પુરું થશે તે ખબર નથી. 

ઠેર-ઠેર ખોદકામ
જ્યારે બીજી તરફ સોસાયટીઓમાં અને રસ્તાઓ પર ઠેર-ઠેર ગટરો અને પાઈપલાઈનોની કામગીરી માટે ખોદકામ કરી દેવાયું છે. પરંતુ તેને ક્યારે પુરવામાં આવશે તે મોટો સવાલ બન્યો છે. સોસાયટીઓમાં તો રસ્તા ખોદી નાખવાથી લોકોનું ચાલવું પણ મુશ્કેલ બન્યું છે. તેવામાં લોકોની પરેશાનીને જોતા ખુદ ધારાસભ્યને કામ વહેલી તકે પૂર્ણ કરવા તંત્રને પત્ર લખવાની જરૂર પડી છે.

 ખાડા ખોદવામાં માહેર મનપા કામ ક્યારે પૂર્ણ કરશે?
ચોમાસાને ગણતરીના દિવસો જ બાકી છે. તેવામાં આ ખાડા પુરાશે કે, પછી લોકોને કીચડમાંથી જ ચાલવું પડશે તે સૌથી મોટો સવાલ છે. તેવામાં જોવાનું એ રહેશે કે, ધારાસભ્યની રજૂઆત બાત સ્થાનિક તંત્ર ક્યારે જાગે છે અને ક્યારે લોકોની પરેશાનીઓનું સમાધાન થાય છે. હવે તો લોકો પણ ખરાબ રસ્તાથી કંટાળ્યા છે અને ખાડા ખોદવામાં માહેર મનપા કામ ક્યારે પૂર્ણ કરશે? તે મોટો સવાલ છે