સમદ સનરાઇઝર્સની ઇનીંગમાં 19મી ઓવરમાં ફાસ્ટ બોલર પેટ કમિન્સની એક ઓવરમાં 2 છગ્ગા લગાવી દીધા હતા. તે પોતાની ટીમને જીત તો ન અપાવી શક્યો પરંતુ 8 બોલમાં 19 રન બનાવીને બધાનુ ધ્યાન પોતાના તરફ કરી દીધુ હતુ.
કમિંસેને આઈપીએલ 2020 ની હરાજીમાં કે.કે.આર. દ્વારા 15.5 મિલિયનમાં ખરીદવામાં આવ્યો હતો. તે ટેસ્ટ ક્રિકેટમાં વર્લ્ડનો નંબર -1 બોલર છે. તેવામાં તેના બોલ પર 2 સિક્સ લગાવીને સાબિત કરી દીધુ છે કે તે દમદાર ખેલાડી છે. એનરિક નોર્ખિયા પર બે અને ગયા આઇપીએલમાં સૌથી વધારે વિકેટ લેનારા દિલ્હી કેપિટલ્સના ફાસ્ટ બોલરસ કાગિસો રબાડા પર પણ એક છગ્ગો લગાવી ચૂક્યો છે. જમ્મૂ-કશ્મીરનો આ ખેલાડીની બીજી આઇપીએલ છે. અત્યાર સુધી લીગમાં 18 બોલર્સનો સામનો કરી ચૂક્યો છે.
કમિંસ વિરુદ્ધ તેણે 8 બોલમાં ત્રણ છગ્ગા, મુંબઇ ઇન્ડિયન્સના બુમરાહ વિરુદ્ધ પણમ 6 બોલમાં 2 છગ્ગા લગાવી ચૂક્યો છે. તે સિવાય તેણે નોર્ખિયાના બોલ પર પણ રમી ચૂક્યો છે. 19 વર્ષની નાની ઉંમરમાં દિગ્ગજ બોલર વિરુદ્ધ આ પ્રકારે રમવાથી તેની જોરદાર પ્રશંસા થઇ રહી છે.
સમદને પાછળ મોકલવો હૈદરાબાદને પડ્યુ ભારે
સમદ મૅચની 19મી ઓવરમાં બેટિંગ કરવા આવ્યા હતા. સનરાઇઝર્સના જીતવાની આશા ઓછી હતી પરંતુ સમદની બેટિંગ જોઇને લાગ્યુ હતુ કે જીત હૈદરાબાદની જોળીમાં જ આવશે. તેણે 3 બોલમાં 14 રન બનાવી દીધા હતા. કમિંસ તે ઓવરમાં 16 રન આપી બેઠો. છેલ્લી ઓવરમાં 22 રન જોઇતા હતા પરંતુ ટીમ 11 રન ન જોડી શકી અને 10 રનથી હારી ગઇ હતી. જે બાદ ડિસીઝન પર સવાલ ઉઠ્યા કારણકે સમદને ઉપર બેટિંગ કરવા મોકલ્યો હોત તો કદાચ હૈદરાબાદ જીતી શક્યુ હોત.
સમદને 2020માં સનરાઇઝર્સે ખરીદ્યો હતો
19 વર્ષનો સમદ જમ્મુ કશ્મીરથી ક્રિકેટ રમે છે. તેને આઇપીએલ 2020માં થયેલી નીલામીમાં સનરાઇઝર્સે ટ્રાયલ માટે શોર્ટલીસ્ટ કર્યો હતો. નીલામીમાં 20 લાખ રૂપિયામાં ખરીદવામાં આવ્યો હતો. તે પરવેઝ રસુલ, મંજુર ડાર અને રસિક સલામ બાદ આઇપીએલ કોન્ટ્રાક્ટ હાંસલ કરનારા ચોથો ખલાડી બન્યો છે.