જાણવા જેવું / ક્રિકેટ રમતી વખતે મેદાનમાં જ આ 12 ખેલાડીઓના થયા હતા મોત, એક ભારતીય ખેલાડી પણ સામેલ 

• ક્રિકેટ ગ્રાઉન્ડ પર જ થયા મોત 
• એક ભારતીય ખેલાડીનુ પણ મોત 
• ક્રિકેટ જગતની જાણવા જેવી વાતો

12 ક્રિકેટરને ગ્રાઉન્ડ પર રમતા ઇજા થઇ અને તે મોતને ભેટ્યા હતા. સૌથી પહેલા 1870માં એક ઇંગ્લીશ બેટ્સમેનનું મૃત્યુ થયુ હતુ. 

Phil Hughes (Australia, 25) - 2014

ઓસ્ટ્રેલિયાનો બેટ્સમેન ફીલ બેટીંગ કરી રહ્યો હતો ત્યારે બોલ તેના માથામાં વાગ્યો હતો અને તેની ખોપડીમાં ફ્રેક્ચર થયુ હતુ. ગ્રાઉન્ડમાં જ ઘણુ બધુ લોહી વહી ગયુ હતુ. તેને તાત્કાલિક સિડની હોસ્પિટલ લઇ જવામાં આવ્યો હતો પરંતુ 2 દિવસ બાદ તેનું મૃત્યુ થયુ હતુ. 

Darryn Randall (South Africa, 32) - 2013
સાઉથ આફ્રીકાની ડોમેસ્ટિક મેચમાં ખેલાડીને માથાની સાઇડના ભાગે બોલ વાગ્યો હતો. વિકેટકીપર-બેટ્સમેનનું  ઘટનાસ્થળે જ મોત થયુ હતુ. તેને તાત્કાલિક હોસ્પિટલ લઇ જવામાં આવ્યો પરંતુ તે બચી ન શક્યો. 

Zulfiqar Bhatti (Pakistan, 22) - 2013
પાકિસ્તાની ક્રિકેટર ઘરેલૂ મેચ રમી રહ્યો હતો અને તેની છાતીમાં બોલ વાગ્યો હતો. તે મેદાનમાં જ ઢળી પડ્યો, તેને દવાખાને લઇ જતા રસ્તામાં જ તેનુ મોત થયુ હતુ. 

Richard Beaumont (England, 33) - 2012
ઇંગ્લેન્ડના આ ક્રિકેટરનું મોત પણ ચાલુ મેચમાં થયુ હતુ. કથિત રીતે તેને હાર્ટ એટેક આવ્યો હતો અને તેને હોસ્પિટલ લઇ ગયા હતા પરંતુ તેનું મોત થયુ હતુ.

Alcwyn Jenkins (England, 72) - 2009
અંગ્રેજ એમ્પાયર જેનકીન્સ એક મેચમાં એમ્પાયરીંગ કરી રહ્યાં હતા અને ફીલ્ડરે બોલ ફેંક્યો પરંતુ તે સીધો તેમના માથા પર વાગ્યો અને તેમનું મોત થયુ હતુ. આ એક અકસ્માત હતો. 

Wasim Raja (Pakistan, 54) - 2006
પાકિસ્તાની ક્રિકેટર વસીમ રાજાનું પણ હાર્ટ એટેકના કારણે મેદાન પર મોત થયુ હતુ. 

Raman Lamba (India, 38) - 1998
ભારતના સ્ટાર ક્રિકેટર ઢાકામાં ક્લબ મેચ રમતા હતા ત્યારે ફિલ્ડીંગ કરતી વખતે માથામાં બોલ વાગ્યો હતો. તે 3 દિવસ કોમામાં રહ્યાં બાદ મૃત જાહેર કર્યા હતા. 

Ian Folley (England, 30) - 1993
ઇંગ્લેન્ડના ક્રિકેટરને આંખની નીચે બોલ વાગ્યો હતો. ડોમેસ્ટિક મેચમાં આ ઘટના ઘટી હતી. બાદમાં હોસ્પિટલમાં હાર્ટ એટેક આવ્યો હતો અને મોત થયુ હતુ. 

Wilf Slack (England, 34) - 1989
સ્લેકને એક ઘરેલૂ મેચ દરમિયાન તેને શરીરમાં તકલીફ થઇ હતી બાદમાં તેને હોસ્પિટલ લઇ જવામાં આવ્યા હતા પરંતુ ડોક્ટર પણ મતોનું કારણ કહી શક્યા નહોતા. 

Abdul Aziz (Pakistan, 18) - 1959
અઝીઝને ચાલુ મેચમાં છાતીમાં બોલ વાગ્યો હતો અને તે મેચ કરાચીમાં રમાઇ રહી હતી. તે હોસ્પિટલ પહોંચે તે પહેલા મૃત્યુ થઇ ગયુ હતુ. 

Andy Ducat (England, 56) - 1942
ક્રિકેટ મેચના ગ્રાઉન્ડમાં તેને હાર્ટ એેટેક આવતા તેનું મૃત્યુ થયુ હતુ અને મૃત ઘોષિત કરવામાં આવ્યા હતા. 

George Summers (England, 25) - 1870
ગરમીમાં રમતી વખતે માથામાં ઇજા પહોંચી હતી અને ઇજાની સારવાર ન કરવામાં આવી જેના કારણે તેમનુ મૃત્યુ થયુ હતુ.