બનાસકાંઠા / થરાદમાં દર્દનાક ઘટનાઃ પતિ-પત્નીએ દીકરાને સાથે લઈ નર્મદા કેનાલમાં મોતની છલાંગ

• પત્ની-પતિ અને પુત્રએ કરી આત્મહત્યા
• તરવૈયાની મદદથી મૃતદેહને બહાર કાઢી પરિવારને સોંપાયા
• મૃતક પરિવાર વાવ તાલુકાનો હોવાનું જાણવા મળ્યું

રાજ્યમાં કેનાલમાં આત્મહત્યા કરવાના અનેક કિસ્સાઓ સામે આવી ચૂક્યા છે. પરંતુ થરાદનો આ કિસ્સો હચમચાવી દેનારો છે. જેમાં એક વ્યક્તિએ નહીં પરંતુ સહપરિવારે મોતને વ્હાલુ કરી લીધું છે. થરાદ નર્મદા કેનાલમાં ત્રણેય લોકોએ મોતની છલાંગ લગાવી છે.

પ્રાથમિક માહિતી અનુસાર, અગમ્ય કારણોસર લગાવી 3 લોકોએ આત્મહત્યા કરી હોવાનું મનાઇ રહ્યું છે. તરવૈયાની મદદથી મૃતદેહને બહાર કાઢી પરિવારને સોંપાયા છે. મૃતક પરિવાર વાવ તાલુકાનો હોવાનું જાણવા મળી રહ્યું છે.

પત્ની-પતિ અને પુત્રએ એક સાથે આત્મહત્યા કરતા પરિવાર માથે આભ ફાટી પડ્યું છે. સમગ્ર પંથકમાં શોકનો માહોલ સર્જાયો છે. ત્યારે આ મામલે પોલીસે ઘટના સ્થળે પહોંચીને તપાસ હાથ ધરી છે. 

ચાર મહિનામાં સામૂહિકા આપઘાતની દેશમાં ત્રીજી ઘટના સામે આવી છે ત્યારે VTVGujarati.com અપીલ કરે છે કે આ પ્રકારનું પગલું ભરવું એ સમસ્યાનો અંત નથી. કોઇ પણ સમસ્યાનો ઉકેલ એ આત્મહત્યા નથી. ત્યારે આ પ્રકારે પરિવારની સામૂહિક હત્યાએ ખુબ જ ગંભીર બાબત છે.