બનાસકાંઠા / થરાદના ચાંગલા ગામે આકાશમાંથી ભેદી યંત્ર પડતાં લોકોમાં ફફડાટ

બનાસકાંઠામાં થરાદના ચાંગલા ગામમાં એક ખેતરમાં અચાનક આકાશમાંથી ભેદી બોક્સ નીચે પડતા લોકોમાં ભયનો માહોલ જોવા મળ્યો હતો. ફફડાટ પામેલા લોકોએ એકઠા થઇ આ ભેદી બોક્સ વિશે તરત તંત્રને જાણ કરતાં તરત પોલીસ કાફલો ચાંગલા ગામે આવી પહોંચ્યો હતો.

પોલીસે આકાશમાંથી પડેલા ભેદી બોક્સને લઇને તરત તપાસ કરી હતી, તો પોલીસ તપાસમાં સામે આવ્યું કે, અમદાવાદ હવામાન વિભાગે હવામાનની તપાસ કરવા આ પેરાશૂટ આકારના બલૂન યંત્ર છોડ્યું હતું. જ્યારે હવામાન વિભાગે યંત્ર છોડ્યું હોવાની જાણ થતા સ્થાનિકોએ રાહતનો શ્વાસ લીધો છે.