મહેસાણા: ઠાકોર સમાજમાં ક્ષત્રિય ઠાકોર સેનાથી રાજકીય સ્ટેન્ડ બનાવનાર અલ્પેશ ઠાકોર સામે હવે ઠાકોર સમાજમાં નવું સંગઠન રચાયું છે. અલ્પેશ ઠાકોરની ક્ષત્રિય ઠાકોર સેના સામે કાર્યરત થયેલા આ સંગઠનનું નામ ઠાકોર સેવા સંઘ અપાયું છે.
નવા રચાયેલા ઠાકોર સેવા સંઘમાં એક સમયના અલ્પેશ ઠાકોરના નજીકના સાથીદાર ગણાતાં અનેક હોદ્દેદારો જોડાતા અલ્પેશ ઠાકોરની ઠાકોર સેનામાં ગાબડું પડ્યું છે અને તેના પ્રથમ પ્રમુખ તરીકે જુગલજી ઠાકોરની વરણી કરવામાં આવી છે.જો કે આ સંગઠન ભાજપને સમર્થન કરતું હોવા છતાં તેનો ઉદેશ્ય બિન રાજકીય રાખવામાં આવ્યો છે.આ સંગઠનમાં સમાજમાં કન્યા કેળવણી અને શિક્ષણને મહત્વ આપવામાં આવ્યું છે.
ઉલ્લેખનીય છે કે વિધાનસભાની ચૂંટણીમાં ઠાકોર સમાજના મત પોતાની તરફ ખેંચવા માટે ક્ષત્રિય ઠાકોર સેનાનું અલ્પેશ ઠાકોરે સ્ટેન્ડ લીધું.અને કઇક અંશે અલ્પેશ ઠાકોર તેમાં સફળ પણ થયા. તો પછી હવે ભાજપ શું કામ પાછળ રહી જાય. ભાજપ દ્વારા પણ હવે અલ્પેશની ઠાકોર સેના સામે ઠાકોર સમાજ નું નવું સંગઠન ઉભું કરવામાં આવ્યું છે.આ સંગઠનનું નામ ક્ષત્રિય ઠાકોર સેવા સંઘ આપવામાં આવ્યું છે અને તેના પ્રથમ પ્રમુખ તરીકે જુગલજી ઠાકોરની વરણી કરવામાં આવી છે.
જો કે આ સંગઠન ભાજપ ને સમર્થન કરતું હોવા છતાં તેનો ઉદેશ્ય બિન રાજકીય રાખવામાં આવ્યો છે..આ સંગઠન દ્વારા સમાજમાં કન્યા કેળવણી અને શિક્ષણ ને મહત્વ આપવામાં આવ્યું છે..જો કે અલ્પેશ ઠાકોર ના સાથીદાર ગણાતા અનેક લોકો ઠાકોર સેવા સંઘમાં જોડાતા અલ્પેશ ઠાકોરની ક્ષત્રિય ઠાકોર સેનામાં મોટું ગાબડું આ નવા સંગઠનને કારણે પડ્યું છે.