મોટા સમાચાર / કપડા પર વધેલા GSTને લઇને અંતે ટેક્સટાઇલના વેપારીઓએ લીધો મોટો નિર્ણય

• GSTના વિરોધમાં ગુજરાતના ટેક્સટાઇલ વેપારીઓ બંધ પાળશે
• 29 ડિસેમ્બર સાંજે કેન્ડલ માર્ચ યોજી વિરોધ નોંધાવશે
• 30 ડિસેમ્બરે અમદાવાદની ટેક્સટાઇલ બજારો બંધ રહેશે

અમદાવાદના ટેક્ષ્ટાઈલ ઉદ્યોગમાં GSTમાં કરાયેલા વધારાને લઈને કાપડના વેપારીઓએ આકરા પાણીએ છે. ગુજરાતના અનેક ટેક્સટાઇલ વેપારીઓ અને આ ધંધાને લગતા સલગ્ન યુનિયનો GSTના વિરોધમાં બંધ પાળશે.  29 ડિસેમ્બર સાંજે કેન્ડલ માર્ચ યોજી વિરોધ કરશે તો 30 ડિસેમ્બરે અમદાવાદની ટેક્સટાઇલ બજારો સજ્જડ બંધ રાખી વિરોધનું હથિયાર ઉગામાશે. આ બંધમાં હોલસેલ, ગારમેન્ટ, રેડીમેઈડ બજારો જોડાશે. 1 જાન્યુઆરીથી કપડા પર GST 12 ટકાનો લેવાનો નિર્ણય કરવામાં આવ્યો છે. જે પહેલા 5% હતો.

શું અસર થશે?
કાપડ પર લાગતા GST માં સરકારે 12 ટકા કરતા કાપડના વેપારીઓ રોષે ભરાયા હતા.GSTમાં થયેલા વધારાના કારણે રો મટેરિયલના ભાવ વધશે જેનાથી કપડાના ભાવમાં 20 થી 25 ટકાનો વધારો થશે. તેનાથી હોલસેલ અને રીટેઇલ વેપારીઓ માટે વર્કીંગ કેપીટલ વધારવાની ફરજ પડશે.કાપડ પર લાગતા GST કરાયેલા વધારાને લઈને સરકારમાં વિવિધ સ્તરે કાપડાના વેપારીઓએ રજૂઆત કરી છે.અગાઉ કાપડ ઉપર 5 ટકા  GST લાગતો હતો જે વધારીને 12 ટકા કરવામાં આવ્યો હતો.

સુરતના વેપારીઓ પણ કરી રહ્યા વિરોધ
કેન્દ્ર સરકારના આ નિર્ણયથી સુરતના ટેક્સટાઇલ વેપારીઓમાં રોષ જોવા મળી રહ્યો છે. ટેક્સટાઇલ વેપારીઓ ગુરૂવારના રોજ કાળીપટ્ટી ધારણ કરી વિરોધ નોંધાવશે. આ વિરોધમાં વેપારીઓ સાથે કારખાનેદારો પણ જોડાશે. કારખાનેદારો પોતાના કારખાના એક ક્લાક બંધ રાખીને વિરોધ કરશે. ગઇકાલે સુરતમાં ટેક્સટાઇલને લગતા 85 જેટલા સંગઠનોની બેઠક મળી હતી. આ બેઠકમાં વિરોધનો નિર્ણય લેવામાં આવ્યો હતો.

1 જાન્યુઆરી, 2022થી ઘણી વસ્તુઓના જીએસટીમાં રેટ વધશે 
ગુડ્સ એન્ડ સર્વિસ ટેક્સ (જીએસટી) સિસ્ટમમાં 1 જાન્યુઆરી, 2022થી મોટા ફેરફારો થવાની તૈયારીમાં છે. તેમાં રેસ્ટોરન્ટ ક્ષેત્રમાં પૂરી પાડવામાં આવતી પરિવહન અને સેવાઓ પર ઇ-કોમર્સ સર્વિસ ઓપરેટરો પર કર જવાબદારીનો સમાવેશ થાય છે. આ ઉપરાંત ફૂટવેર અને ટેક્સટાઇલ સેક્ટરમાં ડ્યુટી સ્ટ્રક્ચરમાં પણ ફેરફાર 1 જાન્યુઆરી, 2022થી અમલમાં આવશે, જેમાં તમામ પ્રકારના ફૂટવેર પર 12 ટકા જીએસટી લાગશે, જ્યારે રેડીમેડ ગાર્મેન્ટ્સ સહિત તમામ ટેક્સટાઇલ પ્રોડક્ટ્સ (કોટન સિવાય) 12 ટકા જીએસટી લાગશે.