ટેસ્લાના માલિક મસ્કની સંપત્તિમાં એક જ ખબર બાદ એટલો વધારો થયો છે કે તે હવે વિશ્વના ત્રીજા નંબરના સૌથી અમીર વ્યક્તિ બની ગયા છે.
એક ખબરથી વિશ્વના ત્રીજા અમીર વ્યક્તિ બન્યા એલન મસ્ક
એક જ દિવસમાં 50 હજાર કરોડ રૂપિયા વધી સંપત્તિ
ટેસ્લાને એસ એન્ડ પી 500 કંપનીની લિસ્ટમાં સામેલ કરવામાં આવી
એલન મસ્ક પર ધનવર્ષા
સ્પેસ એક્સ અને ટેસ્લાના માલિક એલોન માસ્ક હવે દુનિયાના ત્રીજા નંબરના ધનવાન વ્યક્તિ બની ગયા છે, તેમની કુલ સંપત્તિ વધીને 110 અબજ ડોલર થઇ ગઈ છે. છેલ્લા કેટલાય સમયથી મસ્ક સતત સમાચારમાં રહે છે, પહેલા તે કોરોના વાયરસથી સંક્રમિત થયા. હાલમાં જ તેમની રોકેટ કંપનીએ ચાર અંતરીક્ષ યાત્રીઓને અંતરીક્ષમાં મોકલ્યા. આ સિવાય ટેસ્લાને એસ એન્ડ પી 500 કંપનીની લિસ્ટમાં સામેલ કરવામાં આવ્યા છે.
ત્રીજા સૌથી અમીર વ્યક્તિ બની ગયા
બ્લૂમબર્ગ બિલીનેયર યાદીમાં 185 અબજ ડોલર સાથે જેફ બેજોસ અત્યારે પ્રથમ નંબર પર છે જ્યારે બિલ ગેટ્સ બીજા સ્થાન પર છે જેમની પાસે 129 અબજ ડોલર રૂપિયા છે, હવે મસ્ક આ યાદીમાં ત્રીજા સ્થાન પર આવી ગયા છે અને માર્ક ઝુકરબર્ગ ચોથા સ્થાન પર પહોંચી ગયા છે.
ટેસ્લા વિશે સમાચાર આવ્યા બાદ એક જ દિવસમાં મસ્કની સંપત્તિમાં આશરે 50 હજાર કરોડ રૂપિયાનો વધારો થયો. વિશ્વનાં 500 અબજપતિઓની યાદીમાં મસ્કની સંપત્તિમાં સૌથી વધારે વધારો થયો છે. એક જ વર્ષમાં સૌથી વધુ સંપત્તિ વધારવામાં જેફ બેજોસ બીજા સ્થાન પર છે.